लमजुङको राईनासकोट सामुदायिक होमस्टे नेपालकै उत्कृष्ट होमस्ट घोषित

लमजुङको राईनासकोट सामुदायिक होमस्टे नेपालकै उत्कृष्ट होमस्ट घोषित

लमजुङको ऐतिहासिक राईनासकोटमा रहेको राईनासकोट सामुदायिक होमस्टे यो वर्ष नेपाल भरिकै उत्कृष्ट होम स्टे गाउँ घोषित भएको छ ।

गाउँ पर्यटन प्रबद्धन मञ्च (भिटोफ) नेपालद्धारा घोषत वर्ष गन्तव्यमा परिसकेको राईनास यो वर्ष उत्कृष्ट पर्यटकिय गाउँ घोषित भएको हो । अमेरिकी नागरिक लतासाको सहयोगमा र्निमाण भएको १४ वटा घरमा होमस्टे सञ्चालन भएको हो । उत्कृष्ट दृश्यावलोकन तथा ऐतिहासिक स्थल भएका कारण मानिसहरु राईनासकोटमा भ्रमण गर्न थालेको हुन ।

वर्षेनी राईनास जाने पर्यटकहरुको संख्या वृद्धि हँुदै गएको छ । वर्ष गन्तव्यमा परेपछि झन पर्यटकको ध्यान राईनासमा आर्कर्षित भएको हो । त्यहाँको अतिथि सत्कार तथा होमस्टे परिपरिको वातावरण, साँस्कृतिक प्रस्तुतिहरु पर्यटकले बढी मनपराउने होमस्टे सञ्चालक बिष्णु गुरुङले जानकारी दिनुभयो । राईनासकोटको बारेमा पत्रकार विक्रम न्यौपानेले र्निमाण गरेको भिडियो रिपोर्ट हालै मात्र ग्रामिण पर्यटन विधामा पुरस्कृत भएको थियो । राईनासकोटमा अहिले भिडियो छायाँकन पनि बढ्न थालेको छ । राईनासबाट लमजुङ, गोरखा, तनहँु तथा नारायणी नदी देख्न सकिन्छ भने चारै दिशामा हिमाल हेर्न सकिन्छ ।

यो विधामामा यस अघि लमजुङकै काउलेपानी होमस्टे, कास्कीको कालाबाङ, हेम्जाकोट पुरस्कृत भैसकेका छन । लमजुङ जिल्लाको पुरस्कृत हुने होमस्टेमा राईनासकोट दोस्रो हो । राईनासको लोकप्रियता भिटोफ लगायतका पर्यटन सस्थाहरुको भ्रमण तथा कोटमै गरिएको कार्यक्रमहरुले पनि बढाएको होमस्टे सञ्चालकहरु बताउँछन ।

प्रचार प्रसारमा स्थान पाईरहने राईनासमा गण्डकी प्रदेश सरकारले पनि अनुदान दिएको छ भने संघिय सरकारले पनि यो बर्ष करिव एक करोड बजेट बिनियोन गरेको छ । शाहा वंशिय राजाहरुले राज्य गरेको गढीको रुपमा राईनासकोट लाई चिनिन्छ ।

साझा गर्नुहोस् : Share It :

आजको खबर

तमु प्ये ल्हु संघ, गण्डकी प्रदेशको प्रथम साधारणसभा तथा अधिवेशन सम्पन्न

तमु प्ये ल्हु संघ, गण्डकी प्रदेश समितिको प्रथम साधारणसभा तथा प्रथम अधिवेशन पोखरा ११ रानीपौवा शक्तिघाट स्थित रहेको तमु प्ये ल्हु संघ, केन्द्रीय खेगी भवनको…

अझै पढ्नुहोस्