सिन्धुपाल्चोक बस दुर्घटना अपडेट : ज्यान गुमाउनेको संख्या ११ पुग्यो

सिन्धुपाल्चोक बस दुर्घटना अपडेट : ज्यान गुमाउनेको संख्या ११ पुग्यो

सिन्धुपाल्चोक – सिन्धुपाल्चोकमा भएको बस दुर्घटनामा ज्यान गुमाउनेको संख्या ११ जना पुगेको छ । ४० जना भन्दा धेरै घाइते भएका छन् ।

ज्यान गुमाउनेहरुमा इन्द्रावती गाउँपालिका–९, का हिरा श्रेष्ठ र विनोद लम्साल, इन्द्रावती गाउँपालिकाकै रितेस आचार्य, पाँचखालकी संगीता पुरकोटी र बसका चालक काभ्रेकै केदार महाजु छन् । बाँकीको सनाखत भइसकेको जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) माधव काफ्लेले जानकारी दिनुभयो ।

सिन्धुपाल्चोकको इन्द्रावती गाउँपालिका–१० र ११ को सीमा क्षेत्र सिपाटारबाट काठमाण्डौ आउँदै गरेको बा २ ख २७१५ नम्बरको बस इन्द्रावती गाउँपालिकामा पर्ने भीमटार नजिक दुर्घटनामा परेको हो ।

बसमा दशैँ मनाएर काठमाण्डौ फर्कंदै गरेका यात्रुहरु थिए । यसैबीच प्रदेश ३ का सामाजिक विकास मन्त्री युवराज दुलाल सेनाको हेलिकोप्टर लिएर घटनास्थल पुग्नुभएको छ । केही घाइतेकाे उपचार बनेपामा रहेकाे शिर मेमोरियल अस्पतालमा भैरहेकाे छ । घाइतेमध्ये २३ जनालाई थप उपचारका लागि हेलिकोप्टरमार्फत काठमाण्डौ ल्याइएको प्रहरीले जनाएको छ ।

साझा गर्नुहोस् : Share It :

आजको खबर

तमु प्ये ल्हु संघ, गण्डकी प्रदेशको प्रथम साधारणसभा तथा अधिवेशन सम्पन्न

तमु प्ये ल्हु संघ, गण्डकी प्रदेश समितिको प्रथम साधारणसभा तथा प्रथम अधिवेशन पोखरा ११ रानीपौवा शक्तिघाट स्थित रहेको तमु प्ये ल्हु संघ, केन्द्रीय खेगी भवनको…

अझै पढ्नुहोस्