रातिको समयमा पनि राहत वितरणमा खटिदै तमू धिं यु.के. टोली

पोखरा । तमु धीं युकेको टोली रातीको समयमा पनि राहत वितरणमा खटिएको छ । बुधबार बिहानै विपद्को समयमा प्रभावित नागरिकलाई सहयोग गर्ने उद्देश्यले भाटभटेनी सुपरमार्केटबाट आवश्यक राहत सामग्री खरिद गरी बाढी प्रभावित क्षेत्रमा पुगेको टोली रातमा पनि राहत वितरणमा खटिएको हो । 

बाढी प्रभावितको दुख देखेर मन थाम्न नसकेको तमु धीं युकेको टोली उनीहरुको दुखमा छिटोभन्दा छिटो सहयोग पुर्‍याउने उद्देश्यले रातको समयमा पनि राहत वितरण गरिएको तमु धीं यूकेले जनाएको छ । टोलीले रसुवाको उत्तरगया गाउँपालिका–९ का बाढी तथा पहिरो प्रभावित ३० परिवारलाई राहत सामग्री वितरण गरेको छ।

तमु धीं युकेको टोलीले विपद्बाट प्रभावित परिवारलाई तत्काल आवश्यक सामग्री उपलब्ध गराएको हो। विपद्को समयमा प्रभावित नागरिकलाई सहयोग गर्ने उद्देश्यले भाटभटेनी सुपरमार्केटबाट आवश्यक राहत सामग्री खरिद गरी टोली रसुवा पुगेको थियो।

राति अबेरसम्म पनि राहत वितरणलाई निरन्तरता दिँदै टोलीले उत्तरगया गाउँपालिका–९ का ३० प्रभावित परिवारलाई राहत सामग्री उपलब्ध गराएको हो। प्रभावित परिवारलाई आवश्यक सामग्री हस्तान्तरण गर्दै तमु धीं युकेले विपद्मा परेका नागरिकप्रति आफ्नो सहयोग र ऐक्यबद्धता जनाएको छ।

राहत वितरण टोलीमा तमु धीं युकेका वरिष्ठ उपाध्यक्ष परशु गुरुङ, उपाध्यक्ष कमल गुरुङ, महासचिव डा. विशाल गुरुङ, सचिव विमल गुरुङ र आमा समूहकी अध्यक्ष कमलादेवी गुरुङलगायत सहभागी छन् । टोलीसँगै व्यवसायी विजय गुरुङ र पत्रकार डण्ड गुरुङ पनि रसुवा पुगेका छन् ।