भोटेकोसी नदीमा आएको विनासकारी बाढीका कारण प्रभावित नागरिकको उद्धार तथा राहतको लागि नेपाल मगर सङ्घ कास्की जिल्ला समिति तथा आवद्द विभिन्न भातृ संघसंस्थाहरुले संकलन गरेको रकम रु. ६ लाख ६८ हजार ४ सय ४५० रकम प्रधानमन्त्री दैवी प्रकोप उद्धार कोषमा जम्मा गरेको छ । 

नेपाल मगर संघ कास्की जिल्ला समन्वय समिति का अध्यक्ष राम बहादुर थापा मगरको  नेतृत्वमा तथा विभिन्न भातृसंगठनहरुको सहभागितामा गएको टोलीले कास्कीका प्रमुख जिल्ला अधिकारी कुमान सिं गुरुङ समक्ष उक्त रकम जम्मा गरिएको भौचर सहितको जानकारी पत्र बुझाएको छ  | उक्त जानकारी पत्र बुझ्दै  गुरुङ्ले यो दुखको घडी मा नेपाल मगर सङ्घले देखाएको उदारता प्रति धन्यवाद दिनुभयो ।