एलजी संगम क्लब हङकङबाट ‘एलिना गुरुङ जिताऔं’ अभियानलाई १ लाख सहयोग

एलजी संगम क्लब हङकङबाट ‘एलिना गुरुङ जिताऔं’ अभियानलाई १ लाख सहयोग

नेपाल टेलिभिजनबाट प्रशारण भइरहेको गायन रियालिटि सो वाइ वाइ नेपाल स्टारका फाइनलिष्ट एलिना गुरुङलाई विजेता बनाउन सहयोग गर्ने उद्देश्यले एलजी संगम क्लब हङकङबाट १ लाख सहयोग प्राप्त भएको छ ।

यसअघिको श्रङ्खलामा पनि पटक पटक भोट गरेर सहयोग गर्दै आएको एलजी संगम क्लब हङकङले यसपटक फाइनल चरणको लागि थप सहयोग स्वरुप १ लाख रुपैंयाँ सहयोग गरेको हो । हङकङमा युवा समाजसेवी खम गुरुङ (सरोज) को नेतृत्वमा सो रहम संकलन गरिएको थियो ।

आज हङकङबाट प्राप्त भएको रकम संगम क्लब पोखराका अध्यक्ष राजु गुरुङले एलिना जिताऔ अभियान समितिका संयोजक मेनकाजी गुरुङ र एलिनाकी आमा श्याममाया गुरुङलाई संयुक्त रुपमा हस्तान्तरण गर्नुभयो ।

पोखरा १३ मा रहेको संगम क्लबले गएको साता मात्रै एलिना फाइनलमा प्रवेश गरेसँगै गृहनगरमा आउने बेला वृहत मोटर साइकल रयालीको संयोजन तथा व्यवस्थापन गरेको थियो भने अब एलिनाले प्रतियोगिता जितेको खण्डमा फेरि पनि विजय रयालीमा यसरी नै सहयोग गर्ने प्रतिबद्धता समेत जनाउनु भएको छ ।

साझा गर्नुहोस् : Share It :