कोरिया थेगुमा ‘दोस्रो लाफा भलिबल कप २०२५’ हुँदै

दक्षिण कोरियाको थेगुमा दोस्रो लाफा भलिबल कप हुने भएको छ । “स्वास्थ्य र मनोरन्जनको लागि खेल, प्रवासमा नेपालीहरुको मेल” भन्ने मूल नारालाई आत्मसात गर्दै, “आपतकालीन राहतकोष सहयोगार्थ” नेपाल मगर संघ दक्षिण कोरिया थेगु शाखाद्वारा ‘दोस्रो लाफा भलिबल कप २०२५’ आयोजना गरिएको हो ।

अक्टूबर १९ तारिख आइतबारको दिन आयोजना गरिएको भलिबल प्रतियोगितामा सहभागी भई प्रतियोगितालाई भव्य र सभ्य रुपमा सफल पारिदिनुहुन सम्पूर्ण खेलप्रेमी, संघ संस्था तथा क्लबहरुलाई संघले अनुरोध गरेको छ ।
थेगुको खुजी भलिवल खेल मैदानमा हुने प्रतियोगितामा सहभागिताको लागि अक्टुबर १२ तारिख दिउँसो २ बजेसम्म टिम दिर्ताको लागि आह्वान गरिएको संयोजक मोहन मास्की रानामगरले जानकारी दिनुभयो ।

प्रतियोगितामा प्रथम पुरस्कार ३० लाख वन, सिल्ड, मेडल, प्रमाण पत्र, दोस्रो पुरस्कार १८ लाख वन, सिल्ड मेडल, प्रमाण पत्र, तेस्रो पुरस्कार रु ५/५ लाख वन (दुई टीमलाई) मेडल प्रमाण पत्र रहेको छ ।

यसैगरी बिधागत पुरस्कारतर्फ सर्बोकृष्ट खेलाडी १ लाख वन, मेडल प्रमाण पत्र, उत्कृष्ट सेटर ५० हजार वन, मेडल, प्रमाण पत्र, उत्कृष्ट ब्लकर ५० हजार वन, मेडल, प्रमाण पत्र, उत्कृष्ट स्पाइकर ५० हजार वन, मेडल, प्रमाण पत्र र उत्कृष्ट लिबरो ५० हजार वन, मेडल र प्रमाण पत्र रहने जनाएको छ ।