क्रोम्छें तमू मञ्च नेपालद्धारा पच्यु चिवा पैंडी यारजंग क्रोम्छें तमूसँग अन्तरक्रिया

क्रोम्छें तमू मञ्च नेपालद्धारा पच्यु चिवा पैंडी यारजंग क्रोम्छें तमूसँग अन्तरक्रिया

क्रोम्छें तमू मञ्च नेपालद्धारा आज पोखरामा पच्यु पैंडी चिवा पिपिसि यारजंग क्रोम्छें तमूसँग अन्तरक्रिया कार्यक्रम सम्पन्न गरेको छ ।

कार्यक्रममा क्रोम्छें तमू मञ्चले तयार पारेको तमू जातिको विभिन्न संस्कार र खास गरि क्रोम्छें तमूहरुको न्हेजाको बारेमा सोधिएको २५ वटा प्रश्नको जवाफ दिनुभयो ।

सो क्रममा उहाँले क्रोम्छें तमूहरु वोन धर्मलम्बी भएकोले प्रकृति पूजा गर्नुपर्ने र पच्यु क्ल्ह्ेप्रीको प्ये अनुसार संस्कारहरु अवलम्बन गरिनुपर्ने बताउनुभयो ।

बिहे गरेको चेलीले आफनो माइतीको थर छोडनु गलत भएको भन्दै उहाँले तमू जातिको विहेपछि पनि गोत्र नसर्ने भएकोले चेलीले आफनो माइतीको थर छोडन नपर्ने बताउनुभयो ।

वोनमार्गीहरुले आफना पितृलाई स्वर्ग तार्न तीन दिने अर्घु अनिवार्य गर्नुपर्ने र सभ्य हुने बहानामा आफनो मौलिक संस्कृतिहरुलाई छोडन नहुने बताउनुभयो ।

वोन धर्म विज्ञानसम्मत भएकोले कुनै पनि रीतिहरु छोडन र परिमार्जन गर्न जरुरी नरहेको भन्दै कर्ताले कर्म छोडे पितृको पाप कर्तालाई लाग्ने र खेगीले वेद पढन छोडे खेगीलाई पितृको पाप लाग्ने समेत उहाँले बताउनुभयो ।

पच्यु र क्ल्ह्लेप्रीहरु पनि अब सङकुचित मानसिकताबाट माथि उठेर वोन धर्म र आफनो प्येको बारेमा प्रचार प्रसारमा जुटनुपर्ने उहाँको भनाई रहेको छ ।

क्रोम्छें तमू मञ्च नेपालका अध्यक्ष गुप्तबहादुर क्रोम्छें (जिबी)को अध्यक्षतामा भएको कार्यक्रमको सञ्चालन महासचिव लब्सन क्रोम्छें तमूले गर्नुभएको थियो भने उपाध्यक्ष उमा ङोप्छें क्रोम्छें तमूले स्वागत मन्तव्य राख्नु भएको थियो ।

कास्की, लमजुङ, स्याङजा, पर्वत लगायतका विभिन्न जिल्लाका क्रोम्छें तमूहरुको व्यापक सहभागिता रहेको कार्यक्रममा सहभागिहरुले पच्यु चिवा यारजंग क्रोम्छें तमूसँग विभिन्न प्रश्नहरु समेत गरेको थिए ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News