ताजा खबर

गण्डकी प्रदेशका प्रहरी नायव महानिरीक्षक विनोद शर्माद्धारा विभिन्नहरुको प्रहरी गुल्महरुको निरीक्षण

   २५ असार २०७६, बुधबार १७:५७      1,133 views

गण्डकी प्रदेश प्रहरी प्रमुख प्रहरी नायव महानिरीक्षक बिनोद शर्मा घिमिरेले आज संघिय प्रहरी इकाई कार्यालय पोखरा र अञ्चल सशस्त्र प्रहरी गुल्म पोखराको निरीक्षण गर्नुभएको छ ।

निरीक्षणका क्रममा उहाँले त्यहाँ कार्यरत प्रहरी कर्मचारीहरुलाई व्यवसायिक प्रहरी सेवा प्रवाहका विषयमा निर्देशन सम्बोधन समेत गर्नुभएको छ । गण्डकी प्रदेश प्रहरी कार्यालय मातहतका कार्यालयहरुबाट सम्पादन हुने विभिन्न गतिविधिहरुको निरीक्षण एवं अवलोकन गरी प्रहरी सेवा प्रवाहलाई थप चुष्त दुरुष्त एवम् जनलक्षित बनाउन उक्त निरीक्षण कार्यक्रम सम्पन्न भएको हो ।


निरीक्षणका क्रममा प्रहरी नायव महानिरीक्षक घिमिरेले विभिन्न शाखाहरुबाट सम्पादन हुने गतिविधिहरुको निरीक्षण गर्नुका साथै संघिय प्रहरी इकाई कार्यालयको नव निर्मित प्रहरी भवनको समेत अवलोकन गर्न भएको छ ।


कार्यक्रममा संघिय प्रहरी इकाई कार्यालयको तर्फबाट प्रहरी नायव महानिरीक्षक घिमिरेलाई कार्यालय र मातहतका गतिविधि लगायतको विषयमा समेटिएको प्रस्तुतीकरणका माध्ययमबाट थप गतिविधिहरुको जानकारी गराईएको थियो ।

निरीक्षण पश्चात प्रहरी कर्मचारीलाई सम्बोधन गर्दै उहाँले राष्ट्रमा आईपर्ने जस्तासुकै समस्याहरुसंग लड्न प्रहरी कर्मचारीले सदैव आफुलाई तयार राख्नुपर्ने बताउदै गलत गर्नेहरु माथि कानून सम्बत कानूनी कठोरताको नीति अंगिकार गर्न र गराउन निर्देशन गर्नु भएको छ ।


कार्यक्रममा संघिय प्रहरी इकाई कार्यालयका प्रमुख प्रहरी वरिष्ठ उपरीक्षक पुजा सिंह, गण्डकी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक प्रकाश जंग कार्की लगायत अन्य प्रहरी कर्मचारीहरुको सहभागिता रहेको थियो ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284