ताजा खबर

ग्लो संस्थाद्धारा सिद्ध माविलाई स्टेशनरी हस्तान्तरण

   १४ असार २०७७, आईतवार १५:०८      1,177 views

जुना थापा

पोखरामा रहेको ग्लो संस्थाले पोखरा १५ स्थित सिद्ध माविका विद्यार्थीहरुलाई स्टेशनरी सामान वितरण गरेको छ ।

शनिबार विद्यालय प्राङ्गणमा भएको कार्यक्रमका प्रमुख अतिथि पोखरा महानगर वडा नं. १५ का वडाध्यक्ष प्रकाश पौडेलले यस्तो बन्दाबन्दीको अवस्थामा पनि विद्यार्थीलाई सहयोग गरेकोमा धन्यवाद दिनुभयो ।

विद्यालय खुल्न नसकिरहेको अवस्थामा विद्यालयमै आएर शैक्षिक सामग्री हस्तान्तरण गर्नुले विद्यार्थी तथा अभिभावकमा राहत पुगेको बताउनु भयो ।

ग्लो संस्था कास्कीका सल्लाहकार सुमन शर्माले सामुदायिक विद्यालयमा पढ्ने विद्यार्थीका लागि शैक्षिक सामग्री यतिबेला आवश्यक रहेको महसुस भएकाले संस्थाले सहयोग गरेको बताउनु भयो ।

त्यस्तै विद्यालय व्यवस्थापन समितिका अध्यक्ष शिवबहादुर भण्डारीले अहिलेको विषम परिस्थितिमा ग्लो संस्थाले गरेको सहयोगले विद्यालय विद्यार्थी सामू पुग्नुले वैकल्पिक अध्ययन अध्यापन कार्यलाई टेवा पुगेको बताउनु भयो ।

विद्यालयका प्रधानाध्यापक गुरुदत्त कोइरालाले विद्यालयका ४७ विद्यार्थीहरुलाई करिब ३० हजार बराबरको शैक्षिक सामग्री हस्तान्तरण गरेको बताउनु भयो ।

विद्यालय व्यवस्थापन समितिका अध्यक्ष शिवबहादुर भण्डारीको अध्यक्षतामा भएको कार्यक्रमको सञ्चालन शिक्षक राजेन्द्र गिरीले गरेका थिए ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284