घान्द्रुक समाज रेडिङका पूर्व अध्यक्ष लक्षिनबहादुर गुरुङको कोरोनाबाट यूकेमा निधन

घान्द्रुक समाज रेडिङका पूर्व अध्यक्ष लक्षिनबहादुर गुरुङको कोरोनाबाट यूकेमा निधन

लण्डन । कोरोना भाइरस (कोभिड १९) को संक्रमणबाट बेलायतमा अर्का एक पूर्व गोर्खा सैनिकको निधन भएको छ ।

कास्कीको घान्दु्रक घर भई हाल बेलायतको रेडिङ बस्दै आउनु भएका लक्षिनबहादुर गुरुङको आज बिहान निधन भएको हो । उहाँका भाञ्जा कमल गुरुङका अनुसार, उहाँ विगत १८ दिनदेखि रेडिङ स्थित बक्सायर अस्पचालमा उपचाररत रहनु भएको थियो । उपचारकै क्रममा आज बिहान निधन भएको उहाँले बताउनु भयो ।

६५ वर्षीय लक्षिनबहादुर गण्डकीका चर्चित फुटबल खेलाडी समेत हुनुहुन्थ्यो । उहाँ घान्द्रुक समाज रेडिङका पूर्व अध्यक्ष समेत हुनुहुन्थ्यो भने तमू धीं यूकेका आजीवन सदस्य हुनुहुन्थ्यो ।

लक्षिनको स–परिवारमा कोरोनाको संक्रमण देखिएको र लक्षिन बाहेक अन्य परिवार निको भएको समेत भान्जा कमल गुरुङले जानकारी दिनुभयो । लक्षिन श्रीमती र दुई छोरीहरुका साथमा रेडिङमा बस्दै आउनु भएको थियो ।

लक्षिनका आठ दाजुभाइ सबै ब्रिटिश गोर्खा सैनिकमा आवद्ध हुनुहुन्थ्यो । नेपालमा लक्षिनको परिवार पोखराको दीपमा बसोबास गर्दै आउनु भएको छ ।

साझा गर्नुहोस् : Share It :

आजको खबर

तमु साँस्कृतिक प्रतिष्ठानद्धारा छात्रवृत्ति वितरण

तमु साँस्कृतिक प्रतिष्ठान नेपालद्धारा शैक्षिकसत्र २०८१ को लागि “तमु विद्यार्थी छात्रवृत्ति वितरण कार्यक्रम’ यही असोज ३ गते, बिहीबार पोखरा फिर्केस्थित पोखरा इन्जिनियरिङ कलेजको सभाहलमा सम्पन्न…

अझै पढ्नुहोस्