चैत २१ गते गुरुङ साहित्यिक मञ्चले पाँचौं स्थापना दिवस मनाउने

चैत २१ गते गुरुङ साहित्यिक मञ्चले पाँचौं स्थापना दिवस मनाउने

गुरुङ साहित्यिक मञ्च नेपालले यहि चैत २१ गते सोमबार विविध कार्यक्रमको आयोजना गरी आफनो पाँचौं स्थापना दिवस मनाउने भएको छ ।

मञ्चले आफ्नो स्थापना दिवसको दिन पोखरामा विभिन्न कार्यक्रमको स्थापना गरी मनाउने निर्णय गरेको हो ।

पोखराको लेकाली चुल्हो घरमा औपचारिक कार्यक्रमको आयोजना गरि दिवसको दिन विभिन्न कार्यक्रमको आयोजना गर्ने निर्णय गरिएको मञ्चका अध्यक्ष गौरी तमुले जानकारी दिनुभयो । उहाँका अनुसार चैत २१ गते सोमबार ३ चरणमा औपचारिक कार्यक्रम हुनेछ ।

विहान ११ बजे ‘गुरुङ चलचित्रको मौलिक आधारहरु’ शीर्षकमा पहिलो चरणको अन्तरक्रिया कार्यक्रमको आयोजना हुनेछ । यस सेसनमा कलाकार माओत्से गुरुङ, गुरुङ फिल्म एसोसिएसन नेपाल (जिफान) का निवर्तमान अध्यक्ष भोजबहादुर गुरुङ र निर्माता तथा नायक वेदबहादुर गुरुङ (श्याम) रहनुहुनेछ । कार्यक्रममा कोषाध्यक्ष जसु गुरुङले सहजीकरणको भूमिका निर्वाह गर्नुहुनेछ ।

दोस्रो चरणमा पत्रकार एवम् गुरुङ साहित्य मञ्च नेपाल कार्यसमिति सदस्य आश गुरुङको सहजीकरणमा ‘गुरुङ साहित्य र पहिचान’ शीर्षकमा आख्यानकार तीर्थ गुरुङ, कवि चन्द्र गुरुङ र खेमा लिपिका अभियान्ता भीम गुरुङ रहनुहुनेछ । तेस्रो तथा अन्तिम चरणको मूल समारोह कार्यक्रम दिउँसो ३ बजे आयोजना गरिने आयोजकले जनाएको छ ।

कार्यक्रमलाई सफल बनाउन स्वागत व्यवस्थापनको लागि कोषाध्यक्ष जसु गुरुङको संयोजकत्वमा सहकोषाध्यक्ष सम्राट गुरुङ सदस्य रहने गरी उपसमिति निर्माण गरिएको छ । औपचारिक कार्यक्रममा गरिने सहित्य र चलचित्रसम्बन्धी अन्तरक्रियाको लागि शीर्षक छनौट समितिको संयोजकमा उपाध्यक्ष रोशन गुरुङ, सदस्य अमृत गुरुङ र सुजन गुरुङ सदस्य रहनुभएको छ ।

स्वागतसत्कारका लागि सचिव तुलबहादुर गुरुङको संयोजकत्वमा सदस्य तेजबहादुर गुरुङ रहने गरी उपसमिति निर्माण गरिएको गुरुङ छ ।

उपसमितिले चैत २१ गते हुने संस्थाको पाँचौं स्थापना दिवसको सबैखाले तयारी गर्नेछ । मूल समारोहमा ‘गौरी तमू लेखनवृत्ति पुरस्कार’ बाट गुरुङ समुदायको प्रतिनिधित्व गरेर साहित्य लेखनमा सक्रिय रहनु भएका स्रष्टा तीर्थ गुरुङलाई ३५ हजार ५ सय ५५ रुपैयाँ नगद पुरस्कार सहित पुरस्कृत गरिने भएको छ ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News