तमू साँस्कृतिक प्रतिष्ठान नेपालद्वारा लमजुङ र गोरखामा छात्रवृत्ति वितरण
पोखरा
तमू साँस्कृतिक प्रतिष्ठान नेपालद्वारा हिजो असोज ५ गते शनिबार समितिका सदस्यहरु दुई समूहमा विभाजित भइ लमजुङ र गोरखामा तमू विद्यार्थीहरुलाई छात्रवृत्ति वितरण गरेको छ ।
संस्थाका द्वितीय उपाध्यक्ष डमरबहादुर तमूको नेतृत्वमा सचिव कन्चन तमू, कोषाध्यक्ष श्यामबहादुर तमू, विद्यार्थी समितिको सदस्य तारा तमू र कार्यालय सचिव गंगामाया तमू लमजुङ जिल्लाको सदरमुकाम बेँसीसहर स्थित तमू सङ्ग्रहालयको सभाहलमा १६ जना विद्यार्थीलाई छात्रवृत्ति वितरण गरेको प्रतिष्ठानका सचिव कञ्चन तमूले जानकारी दिनुभयो ।
कार्यक्रममा तमू प्ये ल्हु संघ क्ल्हेप्री समितिका केन्द्रीय अध्यक्ष सन्तोष टु तमूले समुदायमा सरहानिय कार्य गरेको यस तमू साँस्कृतिक प्रतिष्ठान नेपालको कामलाई लमजुङका सम्पूर्ण संघ संस्था र समाजहरुले महत्व दिनुपर्नेमा जोड दिनुभयो । साथै उहाँले आज छात्रवृत्ति पाउने विद्यार्थीहरु नै भविष्यमा लमजुङ जिल्ला हाँक्ने जनशक्ति भएको भन्दै उनीहरुले सबैले आफनो ठाउँबाट सतकर्म गर्नका निम्ति प्रेरित गर्नुपर्ने बताउनुभयो ।
कार्यक्रममा तमू ह्युल छोंज धीं गुरुङ राष्ट्रिय परिषद लमजुङका अध्यक्ष जीवराज घले, क्होलासोंथर गाउँपालिका वडा नं. २ का पूर्व वडा अध्यक्ष बुद्धिप्रसाद तमू, विद्यार्थीहरु बालकल्याण मा.वि. दारिमबोटका छात्र विवेक तमू र छात्रा मेलिना घलेले मन्तव्य राख्नुभएको थियो ।
यस शैक्षिकसत्र सत्रमा कक्षा ८ देखि १२ सम्म छात्रवृत्ति प्राप्त गर्ने जम्मा १ सय ८७ जना विद्यार्थीमध्ये २८ जना र कक्षा ९ मा यस वर्ष छनौटमा परेका जम्मा ८४ मध्ये १२ जना विद्यार्थीहरु लमजुङ जिल्लाको रहेका छन् । यसअघि लमजुङका १० जना विद्यार्थीहरुलाई असोज ३ गते पोखरामा आयोजित कार्यक्रममा छात्रवृत्ति वितरण गरिएको थियो ।
संस्थाका द्वितीय उपाध्यक्ष डमरबहादुर तमूको अध्यक्षतामा सम्पन्न कार्यक्रममा स्वागत मन्तव्य कोषाध्यक्ष श्यामबहादुर तमूले राख्नुभएको थियो भने कार्यक्रम सञ्चालन सचिव कञ्चन तमूले गर्नुभएको थियो ।
यसैचबीच हिजो नै प्रतिष्ठानले गोरखामा पनि छात्रवृत्ति वितरण कार्यक्रम सम्पन्न गरेको छ । तमू ह्युल छोंज धीं गुरुङ राष्ट्रिय परिषद गोरखाको व्यवस्थापनमा आयोजित छात्रवृत्ति वितरण कार्यक्रमको लागि प्रतिष्ठानका निवर्तमान अध्यक्ष चिजकाजी तमूको नेतृत्वमा प्रथम उपाध्यक्ष श्रीजङग तमू, सदस्य द्वय लक्ष्मी तमू र लोकबहादुर तमू तथा विद्यार्थी समितिका कोषाध्यक्ष पञ्चकुमारी तमूको समूह गोरखा पुगेको थियो ।
कार्यक्रममा तमू ह्युल छोंज धीं गुरुङ राष्ट्रिय परिषद गोरखनका अध्यक्ष राम तमू, विद्यार्थी पञ्चकुमारी तमू, आहाल भञ्ज्याङ् मा.वि. सिरानचोकमा कक्षा १० मा अध्ययनरत छात्रा जेनिसा तमूले आफ्ना भनाइ राख्नुभएको थियो ।
गोरखामा जम्मा विद्यार्थी मध्ये २० जना र यस वर्षको नयाँ छनौट भएका १३ गरी जम्मा ३३ जना विद्यार्थीहरुलाई छात्रवृत्ति वितरण गरिएको प्रतिष्ठानका निवर्तमान अध्यक्ष चिजकाजी तमूले जानकारी दिनुभयो ।
कार्यक्रममा परिषदका कार्यसमितिका पदाधिकारीहरु तथा सदस्यहरु, नेपाल विद्यार्थी समितिका अध्यक्ष मनोज तमू तमुस्यो जागृती महिला समिती अध्यक्ष हिमला तमू लगायत शिक्षक, अभिभावक र विद्यार्थीहरुको बाक्लो उपस्थिति रहेको थियो ।
संस्थाका निवर्तमान अध्यक्ष चिजकाजी तमूको अध्यक्षतामा सम्पन्न कार्यक्रम सदस्य लोकबहादुर तमूले सञ्चालन गर्नुभएको थियो भने प्रथम उपाध्यक्ष श्रीजङग तमूले स्वागत मन्तव्य राख्नुभएको थियो । पहिलो चरण पोखरामा ५ जिल्लाका लागि असोज ३ गते छात्रवृत्ति वितरण गरिसकेको र यो दोस्रो चरणको कार्यक्रम रहेको सचिव कञ्चन तमूले जानकारी दिनुभयो ।
आजको खबर
Follow Us
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:40:08
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:39:53
उस्तै खबर
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:40:24