नमुना फुलवारी समाजमा पुनः लक्ष्मी गुरुङ
पोखरा १५ स्थित श्री नमुना फूलवारी समाजको आइतवार तेश्रो बार्षिक साधारणसभा तथा दोश्रो अधिवेशन सम्पन्न भएको छ।
अधिवशेनले सर्वसम्मत रुपले पुनः लक्ष्मी गुरुङको अध्यक्षतामा ९ सदस्यीय कार्यसमिति गठन गरेको छ। समितिको उपाध्यक्षमा पुर्णकुमारी गुरुङ, सचिवमा सियाना थापा, सहसचिवमा अञ्जली रानामगर, कोषाध्यक्षमा रेशकुमारी गुरुङ, सदस्यहरुमा आशा खाम्चा, सुनुमाया जलारी, कृष्णकुमारी दुरा र ललिता गुरुङ चयन हुनुभएको छ।
सर्वसम्मत नवनिर्वाचित कार्यसमितिको घोषणा, पद तथा गोपनीयताको सपथ ग्रहण निर्वाचन समितिका संयोजक एसआइसी पोखराका संस्थापक एजेन्सी मेनेजर रुकबहादुर गुरुङले गराउनुभएको थियो भने पत्रकार हुमबहादुर गुरुङ प्रमाणपत्र वितरण गर्नुभएको थियो।
पुनः निर्वाचित अध्यक्ष लक्ष्मी गुरुङले थप क्रियाशिल भएर समाजको नेतृत्व गर्ने प्रतिवद्धता व्यक्त गर्नुभएको थियो भने कास्की आवाजका सम्पादक हुमबहादुर गुरुङले बधाई तथा शुभकामना मन्तव्य व्यक्त गर्नुभएको थियो।
यस अघि साधारणसभा तथा अधिवेशनको प्रमुख अतिथि पोखरा महानगरपालिका वडा नं.१५ का वडाध्यक्ष प्रकाश पौडेलले शुभकामना व्यक्त गर्नुहुदै सामाजिक विकासका लागि स्थापित संघ, संस्था समाजसँग वडा कार्यालय सहकार्य गर्ने बताउनुभएको थियो। उहाँले नमुना फूलवारी समाज वडाभरकै उदाहरणीय संस्था बन्ने अपेक्षासहित शुभकामना व्यक्त गर्नुभएको थियो।
आजको खबर
Follow Us
उस्तै खबर
Awesome https://is.gd/N1ikS2
Written by Helena2828 2025-04-29 23:35:08