नम्चु चिउली युउला क्होईबोको लागि हङकङ निवासी मायाकुमारी गुरुङको परिवारबाट १ लाख सहयोग

कास्कीको मादी गाउँपालिका वडा नं. १ सिक्लेसमा रहेको मेयाचुमा निर्माणाधीन अवस्थामा रहेको नम्चु चिउली युउला क्होईबोलाई हङकङ निवासी मायाकुमारी गुरुङ र युबहादुर गुरुङको परिवारबाट १ लाख रुपैया आर्थिक सहयोग प्राप्त भएको छ ।

गतवर्षबाट निर्माण शुरु गरिएको क्होईबोको लागि हालसम्म करिब २ करोड आर्थिक सहयोग संकलन भएको छ भने क्होईबोको निर्माण कार्य ५० प्रतिशत सकिएको छ ।

यसै वर्षको ल्होसारमा उद्घाटन गर्ने लक्ष्य रहेता पनि कोरोना महामारीले गर्दा निर्माणको काम प्रभावित हुँदा यसवर्ष उद्घाटन सम्भव नभएको क्होईबो निर्माण समितिका अध्यक्ष तथा पच्यु गुरु कुलप्रसाद गुरुङले जानकारी दिनुभयो ।