नेपाली कांग्रेसको केन्द्रीय समिति बैठक बस्दै
काठमाडौं । नेपाली कांग्रेस केन्द्रीय समितिको बैठक आज पनि बस्दै छ ।
पार्टी केन्द्रीय कार्यालय सानेपामा बस्ने बैठकमा केन्द्रीय पदाधिकारी र सदस्य महाधिवेशनका लागि सिधै प्रतिनिधि छनोट हुने कि नहुने भन्ने विवादको टुंगो लगाउने बारेमा छलफल हुने बताइएको छ ।
गत बुधवार र बिहीबार बसेको बैठकमा सदस्यहरु दुई खेमामा बिभाजित भएपछि बैठक आजसम्मका लागि स्थगित गरिएको थियो ।
गत पुस पहिलो साता सकिएको महासमिति बैठकमा शीर्ष नेतृत्वबाट महाधिवेशनका लागि तल्लो तहबाटै निर्वाचित भएर आउनुपर्ने प्रावधान राख्ने प्रतिबद्धता आए पनि केन्द्रीय समितिमा सदस्यहरु विभाजित भएपछि निष्कर्ष निस्कन सकेको छैन ।
महासमितिबाट पारित भएको विधान, संशोधनसहित अनुमोदनको एजेण्डासहित बोलाइएको केन्द्रीय समिति पुनः पुरानै बिषयमा अल्झिएको छ ।
बैठकमा पक्ष–विपक्षमा मत राख्दै सदस्यहरुले निर्वाचित भएर आउने प्रावधानले केन्द्रीय सभापति पराजित हुन सक्ने, लोकतान्त्रिक पार्टीमा निर्वाचन पद्धतिको विकास गर्नुपर्नेलगायत धारणा राख्दै आएका छन् । आजको बैठकले नेपाल विद्यार्थी संघको कार्यसमितिबारे समेत निर्णय गर्ने बताइएको छ ।
आजको खबर
Follow Us
उस्तै खबर
https://shorturl.fm/TDuGJ
Written by Breanna790 2025-05-31 17:28:32