पर्वतमा सहकारीमा महिलाहरुका लागि लेखा व्यवस्थापन तालिम

पर्वतमा सहकारीमा महिलाहरुका लागि लेखा व्यवस्थापन तालिम

उद्यमशिलता मार्फत आयआर्जन गर्नका लागि सहकारीमा आवद्ध भएका र आवद्ध हुने तयारीमा रहेका फलेवास नगरपालिका पर्वतका युवा महिलाहरुका लागि सञ्चालित सहकारी लेखा व्यवस्थापन तालिम सोमबार सम्पन्न भएको छ ।

युवा महिलाहरुलाई सहकारी मार्फत आत्मनिर्भर गराउन तथा उनीहरुलाई वित्तीय रुपमा साक्षर बनाई आर्थिक व्यवस्थापनमा सक्रिय बनाउने उदेश्यका साथ इन्प्रेड नेपालको आयोजनामा तालिम सञ्चालन भएको थियो ।

३ दिनसम्म सञ्चालित सहकारी लेखा व्यवस्थापन तालिममा पर्वतको फलेवास नगरपालिका वडा नं. ५, ६ र ७ विभिन्न समुह र सहकारी संस्थामा आवद्ध १६ देखि ३५ वर्ष उमेर समुहका २५ जना युवा महिलाहरुको सहभागिता रहेको थियो ।

समुह र सहकारीमा आवद्ध युवा महिलाहरुले जम्मा गरेको रकमलाई सहकारी संस्थामा कसरी व्यस्थित रुपमा परिचालन गर्ने, त्यसको लेखा कसरी राख्ने र थप आयआर्जन कसरी गर्ने जस्ता विषयमा राष्ट्रिय सहकारी बैंकका सञ्चालक रामबहादुर जिसीले सहजीकरण गर्नु भएको थियो । संस्था स्थापनासंगै वित्तीय व्यवस्थापनलाई प्रभावकारी बनाउन तालिम सहयोगी हुने उहाँको भनाइ छ ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News