ताजा खबर

पोखरामा आमहड्तालको प्रभाव बजार सुनसान

   २२ माघ २०७७, बिहीबार ११:१७      726 views

संवैधानिक निकायमा भएको पदाधिकारी नियुक्तिको विरोधमा नेकपाको दाहाल–नेपाल समूहले आज आमहड्ताल घोषणा गरेको छ ।

सरकार र राष्ट्रपति मिलेर असंवैधानिक एवं गैरकानूनी ढंगले गरिएका नियुक्ति तत्कालै बदर गर्नुपर्ने मागसहित दाहाल–नेपाल समूह आमहड्तालमा उत्रिएको हो ।

आमहड्तालमा यातायात, बजार, उद्योग, कार्यालय सबै बन्दको घोषणा गरिएको छ । आमहड्तालका कारण मुलुकभर यातायातका साधन फाट्फुट्ट मात्र चलेका छन् ।

बन्दको प्रभाव पोखरामा पनि परेको छ । फाट्टफुट्ट बाहेक भित्रि सडकमा पनि कुनै सवारी साधन गुड्न सकेका छैनन् । दाहाल–नेपाल समूहका कार्यकर्ता बिहानैदेखि बन्द गराउन सडकमा निस्किएका छन् ।

पोखराबाट सञ्चालन हुने लामो तथा छोटो दुरीका कुनै पनि सवारी सञ्चालन नभएको पृथ्वी राजमार्ग बस सञ्चालक कम्पनीका अध्यक्ष योगेन्द्र बहादुर केसीले जानकारी दिए ।

सुरक्षालाई ध्यानमा राख्दै कास्की प्रहरीले ६३५ जना सुरक्षाकर्मी खटाएको प्रहरी प्रवक्ता सुवास हमालले जानकारी दिए । उनका अनुसार सशस्त्र प्रहरीबाट पनि करिब ३०० को हाराहारीमा सुरक्षाकर्मी खटिएका छन् ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284