पोखरामा १७ औं संस्करणको कर्णेल जेपी क्रस छात्र–छात्रा बास्केटबल प्रतियोगिता शुरु

पोखरामा १७ औं संस्करणको कर्णेल जेपी क्रस छात्र–छात्रा बास्केटबल प्रतियोगिता शुरु

पोखरामा १७ औं संस्करणको कर्णेल जेपी क्रस अन्तरविद्यालय छात्र–छात्रा बास्केटबल प्रतियोगिता शुरु भएको छ ।

पोखरा रंगशालास्थित बास्केटबल कोर्टमा बिहीबारदेखि शुरु प्रतियोगिताको उद्घाटन खेलमा छात्रतर्फ माउन्ट अन्नपूर्णले सरस्वती आदर्श विद्याश्रमलाई ४१–२५ ले हरायो ।

बिहीबार नै भएको छात्रतर्फ ६ खेलहरु भएका छन् । छात्रतर्फकै अन्य खेलहरुमा भद्रकालीले नेपाल आदर्शमाथि ४३–८ को फरक स्कोरमा जित निकाल्यो । त्यस्तै, टप्सले पनि हिलपोइन्टलाई ४७–२३ को बिशाल स्कोरले हरायो ।

प्रतियोगिता अन्तर्गत छात्रातर्फको खेलमा बालकल्याणले प्यारामाउन्टमाथि ४२–३३ अंकको जित निकाल्यो । सरस्वती आदर्श विद्याश्रमले प्यारामाउन्टमाथि नै १६–४ को फरक अंकले हरायो । त्यस्तै, लिटिल स्टेपले १२–९ पराजित ग¥यो ।

प्रतियोगितामा छात्रतर्फ १६ र छात्रातर्फ १२ विद्यालयको सहभागिता रहेको कास्की जिल्ला बास्केटबल संघका अध्यक्ष ध्वजकुमार गुरुङले जानकारी दिए ।

गुरुङका अनुसार प्रतियोगिताको छात्रछात्रा दुबैतर्फको विजेताले १२ हजार, उपविजेताले ८ हजार र तृतीय हुने टिमले ५ हजारसहित ट्रफी, मेडल र प्रमाणपत्र पाउनेछन् ।

प्रतियोगितालको बेस्ट प्लेयर र हाइस्कोररलाई विशेष पुरस्कार रहेको गुरुङले बताए ।
प्रतियोगितामा खेलाडीको तर्फबाट बालोदयका छात्र सुमित गुरुङ र टप्सकी मनमाया डगौराले खेलाडीका तर्फबाट सपथ लिएका थिए । त्यस्तै, बास्केटबलका राष्ट्रिय रेफ्री रामबहादुर क्षत्रीले अफिसियलका तर्फबाट सपथ लिएका थिए ।

यसअघि, समाजसेवी कर्णेल जेपी क्रसले मुख्य रेफ्रीलाई बल हस्तान्तरण गरेर प्रतियोगिताको उद्घाटन गरे । कर्णेल जेपी क्रस प्रतियोगिताका संरक्षक तथा मुख्य प्रायोजक समेत हुन् ।

कार्यक्रममा नेपाल ओलम्पिक कमिटीका बरिष्ठ उपाध्यक्ष तेजबहादुर गुरुङले बोल्दै उपाधिसँगै खेलप्रेमीहरुको मन जित्न खेलाडीसमक्ष आग्रह गरे । विद्यार्थीहरुले खेलसँगै विद्यालयमा उत्कृष्ठ अंक हासिनल गर्नुपर्नेमा जोड दिए ।

साझा गर्नुहोस् : Share It :