ताजा खबर

पोखरा–घलेगाउँ सवारी सरर

   ११ माघ २०७५, शुक्रबार १६:०३      3,474 views

लमजुङ — पोखरा र स्मार्ट भिलेजको तयारी भइरहेको घलेगाउँबीच सीधै सवारी चल्न थालेको छ । यातायात सञ्चालनमा आएसँगै पोखराबाट घलेगाउँ र घलेगाउँबाट पोखरा जाने तथा यसबीचका यात्रुले सुविधा पाएका छन् ।


पृथ्वी राजमार्ग बस सञ्चालक समितिले ९ सिटे स्कारपियो जिप सञ्चालनमा ल्याएको हो । बेगनास ताल बस व्यवसायी समिति र लमजुङ कालिका यातायात सञ्चालक समितिले सगोलमा २ वटा ३२ र ३४ सिटे मिनीबस सञ्चालनमा ल्याएको छ । स्कारपियोले पोखरा–दमौली–डुम्रे–बेंसीसहर हुँदै घलेगाउँसम्मको सेवा दिएको छ ।

मिनी बसले पोखरा–पावरहाउस–तल्लो गगनगौंडा–देउराली–पोल्याङ–मादी पुल भएर लमजुङको भोर्लेटार–बिमिरे भञ्ज्याङ–थान्सिङ–कोइरालाफाँट–सुन्दरबजार–बेंसीसहर हुँदै घलेगाउँ पुग्छ । उक्त बस पोखराको बागलुङ बसपार्कबाट हरेक बिहान सवा ८ बजे छुट्ने सवारीका सहचालक काशीनाथ अधिकारीले बताए । उनका अनुसार घलेगाउँबाट बिहान ८ बजेट छुट्छ । पृथ्वीद्वारा सञ्चालित स्कारपियो जिप हरेक दिन पृथ्वीचोकबाट बिहान साढे ७ बजे छुट्ने एक चालक परशुराम गुरुङले बताए ।


घलेगाउँबाट बिहान साढे ९ बजे छुट्ने गर्छ । बस र जिपले पोखराबाट बेंसीसहर पुग्न छुट्टाछुट्टै रुट प्रयोग गर्छन् । ग्रामीण रुटमा जाने बसले घलेगाउँसम्म करिब १ सय १० किलोमिटर र बेंसीसहरसम्म पक्की रुटमा जाने जिपले घलेगाउँसम्म करिब १ सय ४० किलोटिर पार गर्नुपर्ने हुन्छ ।


लमजुङ कालिका यातायात समितिका उपाध्यक्ष विश्वम्भर अर्यालले ग्रामीण भेगका नागरिकलाई सेवा दिन बेगनास बस समितिसँगको सहकार्यमा दुवै समिति मिलेर २ वटा बस सञ्चालनमा ल्याएको बताए । घलेगाउँ–पोखरा सीधै सार्वजनिक सवारी साधन सञ्चालनमा आएपछि अब बेंसीसहर झरेर सवारी साधन खोजिरहनु पर्दैन ।


पोखरा–घलेगाउँ बसले एकतर्फ ६ सय रुपैयाँ र जिपले एकतर्फ ७ सय ५० रुपैयाँ लिने गरेको छ । पोखराबाट सीधै घलेगाउँ र ठाउँ–ठाउँ हुँदै घलेगाउँ आउने–जाने सवारीले पर्यटकीय सहर पोखरा र ग्रामीण पर्यटकीय घलेगाउँबीचको सम्बन्धलाई स्थापित गर्न खोजेको स्थानीयको बुझाइ छ ।


घलेगाउँका स्थानीय लीलाबहादुर घलेका अनुसार घलेगाउँ–पोखरा सीधै सवारी साधन चलेपछि स्थानीय र पर्यटकलाई सुविधा भएको बताए । ‘पेन्सन लिन जाने, आफन्त भेट्न जाने, विभिन्न काममा जानेलाई सजिलो भएको छ । जताततैबाट घलेगाउँ घुम्न आउनेलाई पनि सजिलो भएको छ’ उनले भने, ‘हिजो गाडी देख्न नपाउनले अहिले गाडीमै चढ्न पाएका छन् । विकास भनेको यही रहेछ ।’


क्व्होलासोंथर गाउँपालिका अध्यक्षसमेत रहेका पर्यटन व्यवस्थापन समिति ग्रामीण पर्यटन घलेगाउँका अध्यक्ष प्रेम घलेले घलेगाउँ र पोखराबीचको पर्यटकीय भाइचारा बढाउन जिप र बस सञ्चालन गरिएको बताए । ‘पोखरा र आसपासबाट घलेगाउँ आउने पर्यटक बढदै गएका छन् । ग्रामीण भेगबाट पनि पर्यटक आगमन हुन थालेको छ । गाउँले पनि पोखरा गइरहनुपर्छ ।


पर्यटक र गाउँले दुवैलाई मध्यनजर राखेर पोखरा–घलेगाउँ सीधै सवारी सञ्चालन गर्न थालेका हौं,’ उनले भने । पोखरा–घलेगाउँ सीधै बस तथा जिप सञ्चालन हुन थालेपछि आन्तरिक पर्यटक बढदै गएको र पोखराबाट विदेशी पर्यटकसमेत आउनथालेको उनले बताए ।



साझा गर्नुहोस् : Share It :

आजको खबर

Follow Us


Раисат Залкепова - Счастлива скачать в mp3 и слушать онлайн бесплатно Раисат Залкепова - Счастлива скачать в mp3 и слушать онлайн бесплатно

Written by Clarissa1170 2024-06-04 19:57:36

Hamidshax - Soul скачать песню бесплатно на телефон и слушать онлайн в mp3 Hamidshax - Soul скачать песню бесплатно на телефон и слушать онлайн в mp3

Written by Abigail73 2024-06-04 19:17:39

Bts Rm, Moses Sumney - Around The World In A Day скачать в mp3 и слушать онлайн бесплатно Bts Rm, Moses Sumney - Around The World In A Day скачать в mp3 и слушать онлайн бесплатно

Written by Zachary1566 2024-06-04 18:04:58
Happy New Year

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284