फोनिजको २१औं स्थापना दिवसमा गण्डकी प्रदेशका दुई जना अग्रज पत्रकार सम्मानित

फोनिजको २१औं स्थापना दिवसमा गण्डकी प्रदेशका दुई जना अग्रज पत्रकार सम्मानित

नेपाल आदिवासी जनजाति पत्रकार महासंघ (फोनिज) गण्डकीले आज पोखरामा एक विशेष कार्यक्रमको आयोजना गरि २१औं स्थापना दिवस मनाएको छ ।

दिवसको अवसर पारी फोनिजले गण्डकी प्रदेशका दुई जना अग्रज पत्रकारलाई सम्मान समेत गरेको छ ।

पोखराका समाजसेवी तथा व्यवसायी विमालमान गुभाजु र उहाँको परिवारद्धारा आफ्ना दिवंगत हुनुभएका बाबा वेदमान गुभाजु र आमा नेत्रकुमारी गुभाजुको स्मृतिमा स्थापना गर्नुभएको “कञ्चण पत्रकारिता पुरस्कार” बाट फोनिज कास्कीका संस्थापक अध्यक्ष रुद्रबहादुर थापा मगर र एभिन्युज टेलिभिजन बाग्लुङका संवाददाता राजेशचन्द्र राजभण्डारीलाई जनही नगद २५ हजार रुपैंया, ताम्रपत्र र दोसल्लाद्धारा कार्यक्रमका प्रमुख अतिथि गण्डकी प्रदेशका मुख्यमन्त्री पृथ्वीसुब्बा गुरुङले सम्मान गर्नुभएको हो ।

थापा २०४२ सालदेखि र राजभण्डारी २०४५ सालदेखि निरन्तर रुपमा पत्रकारिता क्षेत्रमा क्रियाशिल हुनुहुन्छ ।

गुभाजु परिवारले फोनिज गण्डकीले सञ्चालन गर्ने गरि नगद ६ लाख रुपैंयाको अक्षयकोष स्थापना गरिदिएको छ । सो अक्षयकोषको चेक पनि परिवारद्धारा आजै संस्थालाई हस्तान्तरण गरिएको छ ।

कार्यक्रममा फोनिजका गण्डकी इञ्चार्ज हुमबहादुर गुरुङ, पत्रकार महासंघ कास्कीका अध्यक्ष दीपेन्द्र श्रेष्ठ लगायतले शुभकामना मन्तव्य दिनुभएको थियो ।

फोनिज गण्डकीका उपाध्यक्ष दिल श्रीष मगरले स्वागत मन्तव्य राख्नुभएको कार्यक्रम अध्यक्ष एमबी आस्था मगरको अध्यक्षतामा भएको थियो भने महासचिव रुद्रबहादुर श्रीष मगरले कार्यक्रम सञ्चालन गर्नुभएको थियो ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News