बाटुलेचौरमा निःशुल्क बुटिक तालिम तथा बृक्षारोपण

बाटुलेचौरमा निःशुल्क बुटिक तालिम तथा बृक्षारोपण

लायन्स क्लव अफ कैलाश चौतारीको आयोजनामा बाटुलेचौर मैदानमा १ महिने निःशुल्क बुटिक तालिम शुरु भएको छ ।

लायन्स क्लव अफ पोखरा ३२५ बि वानका सेकेण्ड भिडिजी विश्वेश्वर आचार्यले एक समारोहका विच उक्त तालिमको उद्घाटन गरे । तालिम उद्घाटन गर्दै प्रमुख अतिथि आचार्यले महिलाहरुको स्वरोजगारका लागि पनि तालिम महत्वपूर्ण हुने औल्याए ।

कार्यक्रमका विशिष्ट अतिथि वडा नम्बर १६ का वडाध्यक्ष जीवन आचार्यले तालिमका लागि मात्रै तालिन नलिन आग्रह गर्दै यसलाई व्यवहारमा लागू गर्न सक्ने गरि सिक्न आग्रह गरे । आयोजक क्लवका अध्यक्ष तुलबहादुर थापाको अध्यक्षतामा भएको कार्यक्रम सचिव केशब दवाडीले सञ्चालन गरेका थिए ।

झण्डै २ लाख खर्च लागत अनुमान रहेको तालिम कालिका बहुउद्येश्यि भवनमा सञ्चालन गरिएको छ । तालिममा स्थानिय ५० महिलाको सहभागिता रहेको कार्यक्रम संयोजक विजयराज वाग्लेले जानकारी दिएका छन् ।

यसैविच सोही क्लव तथा मदर क्लव न्यूरोड चौतारीको संयुक्त आयोजनामा बाटुलेचौरमा बृक्षारोपण कार्यक्रम पनि सम्पन्न भएको छ । चण्डिकाटोल, क्रियापुत्री भवन वरपर धुपी, समी, आँप, अशोक, पारिजान लगायतका ४० बृक्षा रोपिएको कार्यक्रम संयोजक समेत रहेका क्लवका सदस्य कृष्ण पौडेलले जानकारी दिए । लायन्स क्लव क्लष्टर १७ का प्रमुख बसन्त गिरीले बृक्षारोपण गर्दै सो कार्यक्रमको उद्घाटन गरेका थिए ।

साझा गर्नुहोस् : Share It :

आजको खबर

तमु साँस्कृतिक प्रतिष्ठानद्धारा छात्रवृत्ति वितरण

तमु साँस्कृतिक प्रतिष्ठान नेपालद्धारा शैक्षिकसत्र २०८१ को लागि “तमु विद्यार्थी छात्रवृत्ति वितरण कार्यक्रम’ यही असोज ३ गते, बिहीबार पोखरा फिर्केस्थित पोखरा इन्जिनियरिङ कलेजको सभाहलमा सम्पन्न…

अझै पढ्नुहोस्