ताजा खबर

भाचोकको विभिन्न विद्यालयहरुमा लायन्स क्लव अफ गोल्डेन चौतारीको सहयोग

   १९ पुष २०७५, बिहीबार १८:५२      1,579 views

बसन्तकुमार श्रेष्ठ

लायन्स क्लव अफ गोल्डेन चौतारी पोखराले नयाँ वर्ष २०१९ को उपलक्ष्यमा कास्कीको मादी गाउँपालिका वडा नं. १० भाचोकको विभिन्न विद्यालयलाई सहयोग गरेको छ । जस अन्तरगत सेवा मिलन आधारभूत विद्यालय भाचोक, देवी आधारभूत विद्यालय ढोडेनी र बाल विकास केन्द्र भाचोकलाई स्टील दराज, डस्टबीन, स्वीटर र शैक्षिक सामाग्री प्रदान गरिएको हो ।


लायन्स क्लव अफ गोल्डेन चौतारीका कोषाध्यक्ष चिन्ता गुरुङ र सदस्य बबी गुरुङ मार्फत उहाँहरुले अध्ययन गरेको उक्त विद्यालयहरुमा सहयोग गरेको हो । सेवा मिलन आधारभूत विद्यालयका प्रधानाध्यपक ईन्द्रप्रसाद सुवेदी, ढोडेनी बाल विकास केन्द्रका प्रधानाध्यापक पुष्पराज अधिकारीलाई सो सहयोग सामग्री हस्तान्तरण गरिएको हो ।


कार्यक्रममा लायन्स क्लव अफ गोल्डेन चौतारीका संस्थाका अध्यक्ष ला.दिनबन्धु पौडेलले यसप्रकारको सहयोगले विद्यालयको शैक्षिक विकासमा मद्धत पुग्ने विश्वास व्यक्त गर्नुभयो । अगामी दिनमा विद्यालयमा पनि पिउने पानीको व्यवस्थापन गर्न आपूmहरु तयार रहेको उहाँले बताउनु भयो । कार्यक्रमका प्रमुख अतिथि लायन्स क्लबका रिजनल चियरपर्शन लायन खुबबहादुर बरालले नयाँवर्षको नयाँ दिनबाट आपूmहरुको नयाँ काम शुरुवात भएको भन्दै आउने दिनमा यसप्रकारको कार्यक्रमलाई निरन्तरता दिदै जाने बताउनुभयो ।


कार्यक्रममा विद्यालयको कक्षा ६ मा अध्ययनरत छात्र समिर गुरुङलाई उत्कृष्ठ विद्यार्थीको रुपमा क्लबले नगद रु. ५ हजार ५ सयका साथै शैक्षिक साम्रग्री र स्वीटर समेत प्रदान गरेको थियो ।

कार्यक्रममा क्लबका विद्यालय सहयोग कार्यक्रमका संयोजक एवं सन ०१८÷१९ का अध्यक्ष लायन खेमराज बराल र विद्यालय व्यवस्थापन समितिका अध्यक्ष रघुनाथ गौतम, देवी आधारभूत विद्यालयका प्र.अ. हिमलाल शर्माले पनि मन्तव्य राख्नु भएको थियो ।

कार्यक्रममा क्लवका डिष्ट्रिक एडभाईजर ला. दिनबन्धु पौडेल, पूर्व अध्यक्ष ला.शालीग्राम देवकोटा, प्रथम उपाध्यक्ष ला.लक्ष्मीनारायण देवकोटा, द्वितिय उपाध्यक्ष ला. सूर्यबहादुर कार्की, सह–सचिव शालिकराम लामिछाने, कोषाध्यक्ष चिन्ता गुरुङ, सह–कोषाध्यक्ष जमुना गुरुङ, सदस्यहरु बबी, अनिता र सुनिता लगायतको सहभागिता रहेको थियो ।


हाल उक्त बाल विकास केन्द्रमा १७ जना र सेवा मिलन आधारभूत विद्यालयमा कक्षा १ देखि ८ सम्म गरि ६७ जना विद्यार्थीहरु अध्ययनरत छन् । विद्यालय सहयोग वितरण कार्यक्रम पश्चात क्लबका पदाधिकारीहरुको स्वागतमा भाचोकको आमा समूह र युवा क्लबका कलाकारहरु स्वागत नृत्य प्रस्तुत गरिएको थियो ।

साझा गर्नुहोस् : Share It :

आजको खबर

Follow Us


Раисат Залкепова - Счастлива скачать в mp3 и слушать онлайн бесплатно Раисат Залкепова - Счастлива скачать в mp3 и слушать онлайн бесплатно

Written by Clarissa1170 2024-06-04 19:57:36

Hamidshax - Soul скачать песню бесплатно на телефон и слушать онлайн в mp3 Hamidshax - Soul скачать песню бесплатно на телефон и слушать онлайн в mp3

Written by Abigail73 2024-06-04 19:17:39

Bts Rm, Moses Sumney - Around The World In A Day скачать в mp3 и слушать онлайн бесплатно Bts Rm, Moses Sumney - Around The World In A Day скачать в mp3 и слушать онлайн бесплатно

Written by Zachary1566 2024-06-04 18:04:58
Happy New Year

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284