ताजा खबर

मगर संघ, बरबोट इकाईको अध्यक्षमा दिलीप रानामगर

   १८ जेष्ठ २०७६, शनिबार १९:३३      2,412 views

नेपाल मगर संघ, बरबोट इकाई समिति, पुतलीबजार नगरपालिका वडा नं. ४, स्याङ्जाको अध्यक्षमा दिलीप रानामगर चयन हुनुभएको छ ।

शनिबार सम्पन्न भेलाबाट उपाध्यक्षमा निर्मला रानामगर, सचिवमा कुमार थापामगर र कोषाध्यक्षमा ओम रानामगर चयन हुनुभएको छ । त्यसैगरी, सदस्यहरूमा युवक रानामगर, निर्मल रानामगर, श्याम रानामगर, शशीकला रानामगर र संगीता रानामगर चयन हुनुभएको छ ।
त्यस्तै, शनिबार नै सम्पन्न मगर महिलाहरूको भेलाबाट निर्मला रानामगरको अध्यक्षतामा नेपाल मगर महिला संघ, बरबोट इकाई समिति गठन भएको छ ।


जसको उपाध्यक्षमा इन्दु रानामगर, सचिवमा सिर्जना थापामगर र कोषाध्यक्षमा शान्ति रानामगर चयन हुनुभएको छ । सदस्यहरूमा गंगा रानामगर, टिकाकुमारी रानामगर, मुना रानामगर, लक्ष्मी रानामगर र विष्णुकुमारी रानामगर चयन हुनुभएको छ ।

यसअघि, भेला तथा अन्तरक्रिया कार्यक्रमलाई सम्बोधन गर्दै पुतलीबजार नगरपालिका वडा नं. ४ का वडाध्यक्ष ओमबहादुर खड्काले आफ्नो भाषा, संस्कृति र भेषभूषा संरक्षणका लागि मगरहरू संगठित हुनु खुशीको कुरा भएको बताउनुभयो । वडाभित्रका मगरहरूको भाषा, संस्कृति र भेषभूषा संरक्षणका लागि आदिवासी जनजाति लक्षित बजेट सहयोग गर्ने प्रतिबद्धता व्यक्त गर्दै वडाध्यक्ष खड्काले सबै समुदायको उत्थान भएमात्र समृद्धिले सार्थकता पाउने बताउनुभयो ।


कार्यक्रममा समाजसेवी खुमबहादुर रानामगर, कुमार थापामगर, बाडखोला–प्रगतिनगर मगर समाजका कोषाध्यक्ष सूर्यबहादुर थापामगर, नेपाल मगर संघ, स्याङ्जाकी जिल्ला सदस्य सुनमाया रानामगरलगायतले बोल्नुभएको थियो ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284