ताजा खबर

‘मातृभाषी चलचित्रमा आदिवासीपन’ विषयक अन्तरक्रिया कार्यक्रम सम्पन्न

   २४ श्रावण २०८०, बुधबार १४:१८      265 views

मिना थापा मगर
२९ औं विश्व आदिवासी दिवसको अवसरमा आयोजित ‘मातृभाषी चलचित्रमा आदिवासीपन’ विषयक अन्तरक्रिया कार्यक्रम आज सम्पन्न भएको छ ।


लोकोत्तर लोकवादी विचार अभियान, नाङसाल मिडिया प्रा.लि र स्टार्स स्टुडियो प्रा.लि. को संयुक्त आयोजनामा उक्त कार्यक्रम सम्पन्न भएको हो ।


उक्त विषयमाथि परिचर्चा गर्दै गुरुङ फिल्म एशोसिएशन (जिफान) का अध्यक्ष गुञ्ज गुरुङले तालिम र दक्षताको कमीका कारण आदिवासी चलचित्रहरु उत्कृस्ठ हुन नसकेको बताउनुभयो । साथै अहिलेको समयमा नयाँ युवाहरुमा आफ्नो भाषा संस्कृतिप्रति चासो कम हुनु र अवसर पाउँदा पनि सिक्न नचाहनुले यस क्षत्रमा अर्को चुनौति थपिएको बताउभुनुभयो ।


अर्का वक्ता मगर चलचित्रकर्मी मेजन पुन मगरले चलचित्रमा आदिवासीपन झल्काउनको लागि महत्वपूर्ण भूमिका निर्माणकर्ता र लेखकको भूमिका महत्वपूर्ण रहेको बताउनुभयो । कमजोर कथा तथा स्क्रिप्ट लेखन, व्यवसायिक कलाकारको अभाव, चलचित्रकर्मी र सम्बन्धित समुदाय विच सम्पर्क, समन्वयको कमी र विभेदकारी राज्यको नीतिका कारण उत्कृष्ठ आदिवासी चलचित्र निर्माण हुन नसकेको उहाँले बताउनुभयो ।


यसैगरी आदिवासी जनजाति चलचित्र महासंघ कास्कीका अध्यक्ष माओत्सेतुङ गुरुङले आदिवासी जनजातिहरु बिच एकआपसमा भाइचाराको सम्बन्ध कायम हुन नसकेका कारण त्यसको असर आदिवासी चलचित्रमा परेको बताउनुभयो । आदिवासी चलचित्रको विकास र प्रबद्र्धनको लागि अग्रणी संघसंस्थाहरुको महत्वपूर्ण भूमिका रहेको र जति अधिकारको कुरा गरेता पनि सम्बन्धित समुदाय नै सक्षम र सचेत हुनुपर्नेमा जोड दिनुभयो ।


अर्का वक्ता लेखक तथा समाजसेवी कुमार तामाङले नेपाल विविध जाति समुदायको संस्कार संस्कृतिले सुसज्जित राष्ट्र भएकोले एक जातिको संस्कार संस्कृति अर्को जातिले स्वीकार्नुपर्ने बताउनुभयो ।


चलचित्र पत्रकार संघ कास्कीका सचिव सन्तोष बस्यालले लामो इतिहास बोकोको आदिवासी चलचित्रहरुले आजको समयसम्म आइपुग्दा पनि च्यारिटीमा नै सिमिति हुनु दुर्भाग्य रहेको बताउनुभयो । चलचित्र निर्माणमा कलाकारको जति भूमिका रहेको हुन्छ त्यति नै प्राविधिक पक्षको पनि भएको हुनाले यी दुई पक्षलाई नै संरक्षण गरेर अगाडि बढ्न आवश्यक रहेकोमा जोड दिनुभयो ।


कार्यक्रमका टिप्पणीकार युनिस गुरुङ, कार्यक्रम संयोजक जसपाल तामाङ, गुरुङ चलचित्रकर्मी भोज गुरुङ लगायतले आ–आफ्नो धारणा राखेका थिए ।


कार्यक्रमको सहजकर्ताको भूमिका स्टार्स स्टुडियोका सञ्चालक तथा गुरुङ चलचित्रकर्मी जसु गुरुङले गर्नुभएको थियो भने कार्यक्रममा स्वागत मन्तव्य लोकोत्तर लोकवादी विचार अभियानका संस्थापक धनप्रसाद तामाङले राख्नुभएको थियो ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284