युके निवासी दिलमाया गुरुङ र नन्दप्रसाद गुरुङद्धारा गिलुङका ५४ घर परिवारलाई राहत वितरण

लमजुङको क्होंला सोंथर गाउँपालिका ९ गिलुङ स्थायी घरभई हाल युके निवासी समाजसेवी नन्दप्रसाद गुरुङ र दिलमाया गुरुङबाट गिलुङका ५४ घर परिवारलाई राहत वितरण गर्नुभएको छ ।

कोरोना महामारीको बेला समस्यमा परेका आफ्ना गाउँका ५४ परिवारलाई १ बोरा चामल, २ किलो दाल र २ लिटर तेल राहत स्वरुप वितरण गर्नुभएको छ । वितरण गरिएको राहत १ लाख ५ हजार बारबरको रहेको छ ।

वडा नं. ९ गिलुङका वडा अध्यक्ष नन्दजंग गुरुङको रोहबरमा स्थानिय समाजसेवीहरु मनबहादुर गुरुङ, दुधबहादुर गुरुङ, पसबहादुर गुरुङ, देवीजंग गुरुङ, देवीसुब्बा गुरुङ लगायतको विषेश उपस्थितीमा सो राहत वितरण गरिएको हो ।

श्रीमती दिलमाया गुरुङ तमू धिं युके लण्डन इकाइ आमा समितिकी अध्यक्ष हुनुहुन्छ भने श्रीमान नन्दप्रसाद गुरुङ तमू धिं लण्डन इकाइको सह–कोषाध्यक्ष हुनुहुन्छ । गुरुङ दम्पतिले यसअघि पनि माइती गाउँ पसगाउँ र गिलुङमा थुप्रै सामाजिक कामहरु गर्दै आउनुभएको छ ।