विज्ञान शिक्षक समाज मादी गाउँपालिकाले असोज १ गते विज्ञान हजिरीजवाफ प्रतियोगिता गर्ने
पोखरा २७ भदौ ।
विज्ञान शिक्षक समाज मादी गाउँपालिका कास्कीले यहीँ असोज १ गते १२औं राष्ट्रिय विज्ञान दिवसको अवसर पारेर पालिका स्तरीय विज्ञान हजिरी जवाफ प्रतियोगिता आयोजना गर्ने भएको छ ।
असोज १ गते विज्ञान दिवस र २ गते शिक्षा दिवसको अवसर पारेर विज्ञान शिक्षक समाज नेपाल, मादी गाउँपालिका कमिटी र मादी गाउँपालिका शिक्षा शाखाको संयुक्त आयोजनामा कार्यक्रम गर्न लागेको आयोजकले जनाएको छ । पालिक स्तरीय (मा.वि) Digital science quiz competition नाम दिइएको उक्त कार्यक्रममा मादी गाउँपालिका भित्रका १० वटा मा.वि. विद्यालयका विद्यार्थीहरुले भाग लिनेछन् ।
कार्यक्रम असोज १ गते मादी गाउँपालिका वडा नं. ४ को कार्यालय तारकाङ्मा आयोजना हुने भएको छ । बिहान् १० बजेबाट सुरु हुने प्रतियोगितामा एउटा समुहमा ३ जना विद्यार्थीले भाग लिने छन् ।
प्रतियोगितामा प्रथम हुने समुहले नगद ६ हजार, द्धितिय हुने समुहले नगद ४ हजार ५ सय र तृतीय हुने समुहले नगद ३ हजार पुरस्कार र प्रमाणपत्र प्राप्त गर्ने विज्ञान शिक्षक समाज मादी गाउँपालिकाका अध्यक्ष जीवबहादुर गुरुङले जानकारी दिनुभयो ।
आजको खबर
Follow Us
उस्तै खबर
Awesome https://is.gd/N1ikS2
Written by Helena2828 2025-04-29 23:35:08