शब्दमा व्यक्त गर्न नसकेको भुम्लिचोक प्रचार–प्रसारको पर्खाईमा

शब्दमा व्यक्त गर्न नसकेको भुम्लिचोक प्रचार–प्रसारको पर्खाईमा

देवराज गुरुङ/गोरखा हाल काठमाडौं
पछिल्लो समय विश्वका मानिसहरु नयाँ पर्यटकीय स्थानको खोजिमा छ । जसलाई पर्यटकको भाषामा भर्जिन स्थान भनिन्छ । नेपालमा आन्तरिक तथा बाह्य पर्यटकहरुलाई आकर्षित गर्न सक्ने ल्याकत भएका कंैयन पर्यटकीय स्थलहरु छन् । तर, देशभर रहेका पर्यटकीय सम्भावना बोकेका स्थलहरुबारे उचित सोधी–खोजी र प्रचारप्रसारमा राज्य तथा यसका सरोकारवाला निकायहरुले ध्यान नदिँदा त्यस्ता सम्भावना बोकेका क्षेत्रहरु भिल्लको देशमा मणि बराबर बनिरहेका छन् । प्रचार–प्रसारको अभावमा पर्यटकीय सम्भावना बोकेर पनि चर्चामा आउँन नसकेका त्यस्तै कंैयन स्थलहरुमध्येको एक हो गोरखाको भुम्लिचोक । गोरखाको दक्षिणी भेगमा पर्छ भुम्लिचोक । गण्डकी गाउँपालिका वडा नं. ६ मा पर्ने भुम्लिचोक समुद्री सतहबाट लगभग १ हजार ६ सय मिटर उचाईमा रहेको यो क्षेत्रमा कैंयन स्थलहरु छन, जसले सहजै पर्यटक तान्न सक्ने ल्याकत बोकेका छन् । तर, राजधानीबाट नजिकैको दूरीमा भए पनि यो क्षेत्रको मनोरम स्थलहरुको मजा लिन कमैले मात्र भ्याएका छन् ।
काठमाडौंको व्यस्त दैनिकी अनि उत्तिकै अस्तव्यस्तता । उपत्यकामा बसोबास गर्ने जोसुकैलाई पनि काठमाडौंको यो पट्यारलाग्दो बसाइँबाट केही समयका लागि भने पनि नजिकै गएर ‘मुड फ्रेस’ गर्ने चाहाना हुन्छ । तर, नजिकै त्यस्तो मुड फ्रेस गर्न कहाँ जाने ? धेरैको चिन्ता यहीँनिर र यस्तै हुन्छ । तर, अब चिन्ता नगर्नुस, भुम्लिचोक राजधानीबाट नजिकैको दूरीमा छ । जहाँबाट तपाईंले भरपुर आनन्द मात्रै लिन सक्नुहुने छैन, मनोरम दृश्यावलोकनपछि तपाईंलाई भन्न बाध्य बनाउँनेछ – आहा, भुम्लिचोक । प्रकृतिक सौन्दर्यका साथै यसठाउँबाट मनोरम हिमाली दृश्यहरु समेत अवलोकन गर्न सकिन्छ । विशेष गरेर मनासलु, गणेश र अन्नपूर्ण हिमश्रृंखलाहरु यसठाउँबाट अवलोकन गर्न सकिन्छ । गुरुङ, मगर, चेपाङ र नेवारहरुको सँस्कृति यो क्षेत्रको अर्को आकर्षण हो । तल्लो क्षेत्र अर्थात त्रिशुलीको किनार वरिपरि चेपाङ जातिको बसोबास रहेका छन् । उनीहरुको रीतिस्थिति र रहन सहन पनि अवलोकन गर्न सकिन्छ ।
दर्शनीय क्षेत्र यतिमै कहाँ सकिन्छ र ? यो स्थानको सबैभन्दा हेर्न दर्शनीय ठाउँ भैरवी मन्दिर र चउर हो । भैरवी मन्दिरको आफ्नै धार्मिक महत्त्व रहेको छ । त्यसको साथै भैरवी चउर आर्कषणको अर्को गन्तव्य हो । चारैतिर जङगलले घेरिएको उक्त चउर प्रकृतिको अनुपम उपहार नै हो भन्दा फरक पर्दैन । जहाँबाट मनासलु गणेश र अन्नपूर्ण हिमाल प्रष्टदेख्न सकिन्छ । जङगलमा दुर्लभ वन्यजन्तुका साथै चराचुरुङगिहरु समेत अबलोकन गर्न सकिन्छ । रतुवा मृग यस स्थानको सबैभन्दा आर्कषक पक्ष हो । यस क्षेत्रमा अवलोकन गर्न जादा रतुवा मृगको बथान समेत देख्न सकिन्छ ।
अर्कोपक्ष भनेको जातिय संस्कार र सँस्कृति हो । तल्लो क्षेत्रमा चेपाङ जातिको संस्कार र सँस्कृतिहरु अवलोकन गर्न सकिन्छ । गोरखा, चितवन, धादिङ र मकवानपुर जिल्लामा मात्र चेपाङ जातिको बसोबास रहेको छ । गोरखा जिल्लामा पनि चेपाङहरुको बसोबास दक्षिणि क्षेत्रकोहरु घ्याल्चोक, भुम्लिचोक, ताङलिचोक, मकैसिङ र ताक्लुङमा मात्र रहेका छन् । भुम्लिचोको माथिल्लो क्षेत्रमा गुरुङहरुको कौर्हा, मगरहरुको घाँटु र नेवार समुदायको लाखे नाच यो क्षेत्रको अर्को विशेषता हो । त्यसैले यसक्षेत्र जैविक, प्राकृतिक र साँकृकिरुपले धनी मानिन्छ । इको पर्यटनको विकास गर्नेका साथै उक्त स्थलको पर्यटनप्रवधर्न गर्ने उद्धेश्यले जिल्ला विकास समिति गोरखाले गएको आर्थिक वर्षमा घ्याल्चोकको बेनिघाट ताङलिचोकसम्म टे«किङ रुटको समेत स्थापना गरेका छन् । उक्त रुट धार्मिक स्थल मनकामना हुँदै गोरखा सदरमुकामसम्म विस्तार गर्ने योजना रहेको छ । सो रुटको सबैभन्दा आर्कषणको केन्द्र हो भुम्लिचोकको भैरवी चउर । पृथ्वीराजमार्ग अन्र्तगत चितवनको फिस्लिङबाट झोलुङ्गे पुल पार गरेर यस क्षेत्रको यात्रा सुरु गर्न सकिन्छ । त्यहाँबाट कच्ची सडकमा करिब १० किमी को यात्रा पश्चात यो स्थानमा पुग्न सकिन्छ । पर्यटकहरुले साधनको रुपमा आफ्नो मोटरसाईकल प्रयोग गर्न सकिन्छ । स्थानिय रुपमा चल्ने गाडीहरुले पनि १०० रुपैया भाडामा उक्त स्थानमा पुर्याउने गर्छन् ।
काठमाडौंबाट ९० किमीको दूरीमा छ । भुम्लिचोक सार्वजनिक सवारीमा जान चाहनेले कलंकीबाट गाडी चढ्न सक्नेछन् । भुम्लिचोक जान बसको भाडा २ सय रुपैयाँ छ । यति भाडा तिरेपछि चितवनको दारेचोक गाविसको फिस्लिङमा लगेर बसले छाडिदिनेछ । त्यसपछि झोलुंगे पुल तरेर भुम्लिचोक पुग्न सकिन्छ । आफ्नै व्यक्तिगत गाडीमा जाने साेंचमा हुनुहुन्छ ? चिन्ता नगर्नुस, गाडी लिएर जानेहरुका लागि अर्को सुरक्षित रुट पनि छ । आफ्नै सवारी साधन हुनेहरु धादिङको बेनीघाटबाट पुल तरेर दर्बुंग, ताम्लिचोक हुँदै पनि भुम्लिचोक पुग्न सक्छन् । भुम्लिचोक टेकेदेखि नै सुरु हुने तपाईंको रोमाञ्चक यात्रा तपाई भुम्लिचोकको शीर पुग्दासम्म थप उत्कर्षमा पुगिसकेको हुनेछ ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News