सञ्चालनमा आएको दुई वर्षमै मुग्लान रेस्टुरेन्टलाई अपेक्षा गरेभन्दा बढी सफलता

सञ्चालनमा आएको दुई वर्षमै मुग्लान रेस्टुरेन्टलाई अपेक्षा गरेभन्दा बढी सफलता

पोखराको न्युरोडमा रहेको मिड टाउन ग्यालेरियामा अन्तर्राष्ट्रिय स्तरको सेवासुविधा सहित दि मुग्लान रेस्टुरेन्ट एण्ड बार सञ्चालनमा आएको दुई वर्ष भएको छ ।

लामो समयसम्म अष्ट्रेलियामा सञ्चालित दि मुग्लान रेस्टुरेन्ट पोखरामा स्थापना भएको छोटो समयमा ग्राहकहरुको विश्वास जित्न सफल भएको सञ्चालक राजमान थकालीले बताए । मंगलबार आयोजित पत्रकार सम्मेलनमा बोल्दै उनले भने, ‘दि मुग्लान रेस्टुरेन्टले अपेक्षा गरेभन्दा बढी सफलता प्राप्त गरेको छ । ग्राहकको विश्वास जितेको छ ।’

अष्ट्रेलियामा बिगत ९ वर्षदेखि सञ्चालित दि मुग्लान रेस्टुरेन्टले पोखरामा शाखा बिस्तार गरेको दुई वर्षको अवसरमा तीन दिन तीन बिशेष कलाकार सहित दोस्रो वार्षिकोत्सव कार्यक्रम तय गरेको छ । स्थापनाको दोस्रो वार्षिकोत्सवका अवसरमा फेरवरी १३ (फागुन १) देखि १५ (फागुन ३) सम्म विविध सांगीतिक कार्यक्रम तय गरेको थकालीले जानकारी दिए ।

फेरवरी १३ मा वार्षिकोत्सवको समुदघाटन सँगै चर्चित गायक कमल खत्रीको विशेष प्रस्तुति रहने जनरल म्यानेजर सन्तोष गुरुङले जानकारी दिए ।

तीन दिन मनाइने वार्षिकोत्सवका क्रममा सुगम संगीतका चर्चित गायक प्रमोद खरेल, मेलोडी कुईन गायीका तृष्णा गुरुङ, प्राप्ति एण्ड ब्रदर्श व्याण्ड र मोलोडियस ब्याण्डको विशेष साँगीतिक प्रस्तुति रहने गुरुङले बताए ।

दि मुग्लान स्थापनाको दोस्रो वर्ष प्रवेशसँगै ग्राहकको मागलाई मध्यनजर गर्दै सेवा विस्तार गरिएको थियो । हाल दि मुग्लानमा ८० जना क्षमताको सुविधा युक्त सभाहल, ग्राहकको स्वास्थ्यलाई मध्यनजगर गर्दै फ्रेस जुसबार, आइसक्रिम पार्लर तथा ग्राहकको थप मनोरञ्जनका लागि २ वटा क्यारावके रुम (आफै गाउन मिल्ने) पनि सञ्चालनमा छ ।

साना बालबालिकाहरुलाई मध्यनजर गरी प्ले जोन (बालउद्यान) निर्माण गरिएको मार्केटिङ तथा ईभेन्ट म्यानेजर सुरज थापाले बताए । ‘टर्किज कबाब र होल चिकेन रोस्टको सेवा समेत उपलब्ध रहेको’ उनले जानकारी गराए ।

साझा गर्नुहोस् : Share It :