ताजा खबर

सफल एक्सपो पोखर मेलाबाट ३ लाख ८७ हजार आम्दानी

   ३ असार २०७६, मंगलवार १९:२७      888 views

पोखरा । पोखरा उद्योग वाणिज्य संघले गएको मंसिरमा आयोजना भएको ‘सफल एक्सपो पोखरा साथमा तेस्रो मोवाइल मेला,२०७५’ बाट ३ लाख ८७ हजार २ सय २ रुपैयाँ बचत गरेको जनाएको छ ।

मेलाको हिसाब किताब सार्वजनिक गर्न मंगलबार आयोजित पत्रकार सम्मेलनमा संघका अध्यक्ष दामु अधिकारीले मेलामा ९२ लाख ४३ हजार ६ सय ७० रुपैयाँ आम्दानी भएकोमा विभिन्न शीर्षकमा गरी ८८ लाख ५६ हजार ४ सय ६७ रुपैयाँ खर्च हुँदा सो रकम बचेको जानकारी गराएका हुन् । अध्यक्ष अधिकारीले बचेको रकम सामाजिक काममा लगाउने उद्घोष गरे । उनले मेला आफ्नो उदेश्यमा सफल भएको दावी पनि गरे ।

‘मेला र महोत्सवमार्फत अर्थतन्त्र चलायमान बनाउन एवं उत्पादक र उपभोक्तालाई एउटै थलोमा भेट गराई उद्यमशीलता सृजना गर्नु हाम्रो मूख्य लक्ष थियो’, उनले भने,‘ हामी हाम्रो उदेश्यमा सफल भएका छौँ र मेलालाई अझ परिष्कृत गर्दै अगाडि बढ्ने लक्ष्य लिएका छौँ ।’ उनले यसो भनिरहँदा आउदो वर्षको पुस १८ गतेदेखि २८ गतेसम्म पोखराको नयाँबजारमा नयाँ संस्करणको मेला आयोजना गरिने घोषणा पनि गरे ।

उनका अनुसार संघले अब पुरानै नाम अर्थात राष्ट्रिय औद्योगिक व्यापार मेला’ को ब्राण्ड प्रयोग गरी मेला आयोजना गर्नेछ । यो वर्ष नयाँ प्रयोग गरिए पनि आम पोखरेलीहरुको मुखमा झुण्डिँदै आएको पुरानो नामबाटै मेला गर्न सुझाव आएकोले त्यसो गरिएको उनले जिकिर गरे

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284