साढे १४ लाखको लागतमा मादी ७ पानीघाटमा बहुउद्देश्यीय भवन निर्माण
कास्कीको मादी गाउँपालिका वडा नं. ७ पानीघाटमा नवर्निमित बुहद्देश्यीय भवनको आज एक कार्यक्रमका बीच उद्घाटन गरिएको छ ।
गण्डकी प्रदेशका कृषि भूमि तथा सहकारी मन्त्री लेखबहादुर थापामगरको प्रमुख अतिथ्यतामा सम्पन्न भएको कार्यक्रममा मन्त्री थापाले प्रदेश सरकारले जनताको भावना, चाहना र आवश्यकता तथा समस्यको पहिचान गरि विकासको कामलाई अघि बढाई रहेको बताउनुभयो ।
अब युवाहरुलाई विदेश जाउँजाउँ हुने नभई स्वदेश आउँआउँ लाग्ने बनाउने भन्दै युवा स्वरोजगारको लागि कृषिमा अमुल परिवर्तन गर्न जरुरी रहेको बताउनुभयो । साथै उहाँले एक गाउँ एक सहकारी र एक वडा एक कृषि सहकारी हुन आवश्यक रहेको पनि बताउनुभयो ।
कार्यक्रममा प्रदेश सांसद गायत्री गुरुङले हामी जहाँ जता गएपनि आफनो गाउँ ठाउँको विकास आफै गरेमा यसले गाउँको मात्र नभई प्रदेशकै विकासमा सहयोग पुग्ने बताउनुभयो ।
यस्तै अर्का प्रदेश सांसद मनबहादुर गुरुङले विकसित देशहरुले विकासमा जति चमत्कारिता देखाएता पनि बुद्ध जन्माउन र सगरमाथा बनाउन नसकेको भन्दै नेपाल प्रकृतिक रुपमै भरिपूर्ण देश भएको भन्दै यसको सहि सदुपयोग गर्न सके देश समृद्धि तर्फ अघि बढने बताउनु भयो ।
अहिले जनताको चाहना सरगमाथा भन्दा अग्लो भएकोले तुरुन्तै देखिने प्रतिफल नेता वा सरकारबाट पाउन नसकेको भन्दै आगामी पाँचवर्षसम्म देखिने काम हुने र आफूले चुनाव ताका जनतासँग गरेको प्रतिबद्धता पुरा गरेरै छाडने उहाँले बताउनुभयो ।
यस्तै मादी गाउँपालिकाका कार्यकारी अधिकृत युवराज अधिकारीले पानीघाटबासीको आर्थिक सहयोगमा सुन्दर भवन निर्माण भएको भन्दै गाउँपालिकाको तर्फबाट पनि थोरै भएपनि आर्थिक सहयोग गर्नपाउँदा आफूहरुलाई गर्व लागेको बताउनुभयो ।
यस्तै मादी गाउँपालिका वडा नं ७ का वडा अध्यक्ष लालबहादुर गुरुङले पोखराबाट नजिकै रहेको पानीघाटमा विकासको धेरै संभावनाहरु रहेको बताउनुभयो । अब पोखराबाट पानीघाटसम्मको बाटो पिच गर्न र ढाँडबेसी खोलामा तोकिएकै समयमा पुल निर्माणको कार्य सम्पन्न गर्न पहल गर्न प्रमुख अतिथि लगायत प्रदेश सांसदहरुलाई आग्रह गर्नुभयो ।
कार्यक्रममा युवा नेताहरु बलकृष्ण गुरुङ, शेरबहादुर गुरुङ, जनकल्याण तमू समाज पोखराका अध्यक्ष इन्द्रबहादुर गुरुङ लगायतले बोल्नुभएको थियो । भवन निर्माण समितिका अध्यक्ष हर्कजंग गुरुङको अध्यक्षतामा सम्पन्न भएको कार्यक्रमको सञ्चालन सचिव मिना गुरुङले गर्नुभएको थियो । यस्तै भवन निर्माण समितिका उपाध्यक्ष होमबहादुर गुरुङले स्वागत मन्तव्य राख्नुभएको थियो ।
यसैबीच भवन निर्माण समितिका आर्थिक संयोजक लिलबहादुर गुरुङले आर्थिक प्रतिवेदन प्रस्तुत गर्दै भवन निर्माणको लागि १५ लाख १५ हजार ८ सय ५५ रुपैंया संकलन भएको र १४ लाख ५० हजार ५ सय ५ रुपैंया खर्च भएको बताउनुभयो ।
आजको खबर
Follow Us
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:40:08
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:39:53
उस्तै खबर
BWER Company stands as a trusted name in Iraq’s weighbridge industry, offering innovative designs, reliable installations, and comprehensive support for all weighing requirements.
Written by truck scale suppliers in Iraq 2024-12-05 14:40:24