ताजा खबर

सिक्लेसमा आजदेखि सिक्लेस युवा क्लवको २४औं वार्षिक उत्सव तथा माघे सक्रान्ति मेला शुरु

   १ माघ २०७५, मंगलवार १९:०७      2,903 views

रोशानी गुरुङ / सिक्लेस १ माघ
कास्कीको मादी गाउँपालिका १ सिक्लेसमा सिक्लेस युवा क्लवको २४औं वार्षिक उसत्सव तथा माघे सक्रान्ति मेला २०७५ आजबाट शुरु भएको छ ।


मेलाको आज एक कार्यक्रमका बीच सिक्लेसका स्थानिय बासिन्द एवं युवा समाजसेवी तथा हाल तमु धि युकेका नवनिर्वाचित अध्यक्ष नन्दजंग गुरुङले एक समारोहका बीच उद्घाटन गर्नुभयो । उदघाटन कार्यक्रमलाई सम्बोधन गर्दै तमु धि युकेका निर्वतमान अध्यक्ष ज्ञाम गुरुङले अबको देश विकासमा युवाहरु एकजुट भएर अघिबढनुपर्ने बताउनुभयो ।

अहिले नेपालमा विकास गर्न चहानेहरुका लागि धेरै अवसर भएको भन्दै युवाहरुले गाउँ विकास र देश विकासमा पहल लिनुपर्ने बताउनुभयो । कार्यक्रममा मादी गाउँपालिका वडा नं. १ का वडा अध्यक्ष सुरजकुमार गुरुङले गाउँघरमा वर्षेनी हुने यस्ता खाले मेला महोत्सवले पर्यटन प्रबद्र्धनमा ठुलो टेवा पुग्ने बताउनु भयो ।


आजदेखि माघ ४ गतेसम्म चल्ने मेलामा ठेलो प्रतियोगिता गाउँ स्तरिय सामुहिक नृत्य प्रतियोगिता तथा भलिबल बास्केटबल लगायतको कार्यक्रमहरु समावेश गरिएको छ ।
सिक्लेस युवा क्लवका अध्यक्ष तिलमान गुरुङको अध्यक्षतामा सम्पन्न भएको उदघाटन कार्यक्रम क्लबका सचिव मिलन गुरुङले संचालन गर्नुभएको थियो ।

मेला अन्तरगत भोलि माघ दुई गतेबाट भलिबल बास्केटबल लगायत विभिन्न प्रतियोगितात्मक कार्यक्रमहरु संचालन हुने आयोजकले जनाएको छ ।


यसैबीच सिक्लेसमा आजदेखि ठेलो प्रतियोगिता शुरु भएको छ । सिक्लेस सभाथरका स्थानियबासीद्धारा प्रतियोगितात्मक रुपमा संचालन भएको खेलमा आज सबै गाउँले र मेलामा सहभागी पाहुनाले ठेलो हानेका छन भने भोलि प्रतियोगिहरुको बीचमा प्रतिश्पद्र्या हुने ठेलो कार्यक्रमका संचालन कर्ता क्या.लोक कृष्ण गुरुङले जानकारी दिनुभयो ।

ठेलो प्रतियोगिताको आज एक कार्यक्रमका बीच सभाथरका बयोवृद्ध रनबहादुर गुरुङले ठेलो हानेर उदघाटन गर्नुभयो । करिब पाँच केजी तौल भएको ठेलो प्रतियोगितामा प्रथम हुनेले ४० हजार र द्धितिय हुनेले ३५ हजार नगद पुरस्कार प्राप्त गर्ने आयोजकले जनाएको छ ।

साझा गर्नुहोस् : Share It :

उस्तै खबर

0 टिप्पणी

Leave a Reply


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ
डेस्क इन्चार्ज : मिना थापा मगर

वेवसाइट प्रबन्धक: मणी तमु गुरुङ, गुरुङ मल्टीमिडिया

सम्पर्क | Contact Us

Stay connected and report to us!


NayaBazar, Pokhara, Nepal
+977-9846637284