हङकङ निवासी दुर्गा गुरुङ (मिलन) दम्पतीद्वारा बाजुङ हेल्थ पोष्टलाई स्वास्थ सामग्री सहयोग

हङकङ निवासी दुर्गा गुरुङ (मिलन) दम्पतीद्वारा बाजुङ हेल्थ पोष्टलाई स्वास्थ सामग्री सहयोग

हङकङ निवासी दुर्गा गुरुङ (मिलन) र श्रीमती गंगाकुमारी गुरुङद्धारा पर्वतको बाजुङ हेल्थ पोष्टलाई पि पि ई ,माक्स र सर्जिकल पन्जा सहयोग गर्नुभएको छ ।

सोही दम्पत्तीद्धारा नै मोदी गाउँपालिका बाजुङ वडा नं ५ लाई मास्क र नयाँ भित्तेपात्रो समेत प्रदान गरिएको छ ।

पर्वतको बाजुङ्ग, फलानेमा जन्मेर हङकङलाई कर्मथलो बनाउँदै आउनु भएका दुर्गा गुरुङ विश्व मिलन समाचारका अध्यक्ष, मिलन फाउन्डेसन नेपालका संरक्षक, पर्वत मञ्च हङकङका अध्यक्ष समेत हुनुहुन्छ ।

आइतबार एक कार्यक्रमका बीच मिलन फाउन्डेसन नेपालका कार्यबाहक अध्यक्ष देवी गुरुङ र सचिव मदन गुरुङ तथा सदस्य भुपेन्द्र कुवरले पाँच थान पी.पी.ई., १ हजार पिस सर्जिकल पन्जा, १ हजार पिस सर्जिकल मास्क र १ हजार २ सय थान नयाँ भित्ते पात्रो बाजुङ हेल्थ पोष्ट सानो पाखाका इन्चार्ज गोकुल अधिकारी र मोदी ५ बाजुङका वडा अध्यक्ष दलबहादुर मल्ललाई संयुक्त रुपमा हस्तातरण गर्नुभएको हो ।

कार्यक्रमका प्रमुख अतिथि दलबहादुर मल्लले कोरोना कहरको बेला मिलन फाउन्डेसन नेपालका संरक्षक दुर्गा गुरुङ मिलन दम्पतीले विदेशमा रहेर पनि आफ्नो देश अनि जन्मथलोलाई माया गरि कोरोना विरुद्ध जुध्न र यसको रोकथाम तथा नियन्त्रणका लागि यति धेरै स्वास्थ सामाग्री सहयोग गर्नुभएकोमा आफ्नो र वडाको तर्फबाट धन्यवाद व्यक्त गर्नुभयो ।

साझा गर्नुहोस् : Share It :

Sustainability in business practices is increasingly important Explore articles on environmentally friendly initiatives and sustainable business practices on Iraq Business News