ह्योल्मो समाजका उपाध्यक्ष खड्कबहादुर ह्योल्मालाई पितृ शोक

नेपाल ह्योल्मो समज सेवा संघका केन्द्रिय उपाध्यक्ष समाजसेवी खड्कबहादुर ह्योल्मोलाई पितृशोक परेको छ ।

कास्कीको मादी गाँउपालिका वडा नं ७ तप्राङमा स्थायी घर भई हाल पोखरा महानगरपालिका वडा नं ३० शिशुवा निवासी समाजसेवी मोहनसिंह ह्योल्मो (किपु लामा) को ८३ वर्षको उमेरमा उपचारका क्रममा निधन भएको हो । स्वर्गीय ह्योल्मो विगत केही समय अगाडीदेखि फोक्शोको समस्यवाट पिडित भई उपचाररत हुनुहुन्थ्यो।

नेपाल ह्योल्मो समाज सेवा संघ, कास्कीद्वारा पोखरा १४, चाउथेमा निर्माण गरिरहेको ह्योल्मो संग्राहलय सहितको समाजघर निर्माणमा वहाँको महत्पुर्ण योगदान रहेको छ । विभिन्न सामाजिक संघ संस्थाहरुमा संलग्न रहि भुमिका निर्वाह गर्नुभएका समाजसेवी ह्योल्मोको निधनवाट समाजलाई ठुलो क्षतिपुगेको नेपाल ह्योल्मो समाज सेवा संघ कास्कीका अध्यक्ष क्याप्टेन पुर्णबहादुर ह्योल्मोले वताउनु भयो।

भारतीय सेनाका सेवानिवृत्त उहाँको चार छोरा एक छोरी तथा दर्जनौ नाति, नातिनी रहेका छन । दिवङ्गत ह्योल्मोको बौद्ध विधि अनुसार बौद्ध अर्घौ सदन पोखरामा विभिन्न संघ संस्थाका प्रतिनिधिहरुले अन्तिम श्रध्दाञ्जलि अर्पण गर्दै अन्तिम संस्कार गरिएको छ ।