हिमाली साँस्कृतिक परिवारद्धारा नयाँ वर्षको अवसरमा शुभकामना आदनप्रदान

हिमाली साँस्कृतिक परिवारले आज नयाँ वर्ष २०७८ सालको आगमनको अवसरमा शुभकामना आदनप्रदान कार्यक्रम सम्पन्न गरेको छ ।

पोखराको भमरकोट पार्टी प्यालेसमा आज बिहान आयोजना गरिएको भव्य कार्यक्रममा परिवारका कलाकारहरुले नेपालको सातै प्रदेशका गीतहरु मार्फत नृत्य गरेर सबैसँग शुभकामना आदनप्रदान गरेका थिए ।

कार्यक्रमलाई सम्बोधन गर्दै प्रमुख अतिथि गण्डकी प्रदेशका उपसभामुख सृजना शर्माले कलाकारले आफनो कला मार्फत देशको चिनारी जीवन्त रुपमा दिनसक्ने बताउनुभयो । आफू कलाकारको नृत्यमा देश घुमेको अनुभुति भएको भन्दै कलाकारको संरक्षणको लागि राज्यको तर्फबाट विषेश पहल गर्न जरुरी रहेको बताउनुभयो ।

आफू आउने दिनमा पनि एउटा असल दर्शकको रुपमा हिमाली साँस्कृति परिवारका कलाकारहरुको नृत्य हेर्न आइरहने बताउनुभयो ।

परिवारका सचिव श्रीजंग गुरुङले सञ्चालन गर्नुभएको कार्यक्रम अध्यक्ष मेनकाजी गुरुङको अध्यक्षतामा सम्पन्न भएको थियो ।