मातृभाषी रचना वाचन कार्यक्रम सम्पन्न

३०औ विश्वआदिवासी दिवसको अवसरमा मातृभाषी रचना वाचन कार्यक्रम सम्पन्न भएको छ ।
गुरुङ साहित्यिक मञ्च नेपाल, मगर भाषा प्रतिष्ठान कास्की शाखा र कोको म्हेन्दो साहित्य समाजको संयुक्त आयोजनामा मातृभाषी रचना वाचन सम्पन्न भएको हो ।

कार्यक्रममा गुरुङ, मगर, तामाङ, नेवार भाषामा कविहरुले रचना बाचन गरेका थिए ।
गुरुङ भाषामा कवि गौरी तमु, तेज बहादुर च्हाक्ली, रोशनी गुरुङ, जसु गुरुङ, सम्राट गुरुङ त्यसैगरी मगर भाषामा याम बहादुर थापा मगर, रुद्र सन्देश मगर, तामाङ भाषामा धन प्रसाद तामाङ, नेवारी भाषामा उदय अमात्य लगायतले रचना वाचन गरेका थिए ।

कविहरुले भाषा, संस्कृतिको संरक्षणमा जोड र राष्ट्रिताको भाव झल्किने कविता वाचन गरेका थिए ।
गुरुङ साहित्यिक मञ्च नेपालका अध्यक्ष तेज बहादुर च्हाक्ली तमुको अध्यक्षतामा भएको कार्यक्रममा मगर भाषा प्रतिष्ठान कास्कीका अध्यक्ष याम बहादुर थापा मगरले स्वागत मन्तव्य राखेका थिए भने मञ्चका सचिव सम्राट गुरुङले कार्यक्रम सञ्चालन गरेका थिए ।